జిల్లాలో జడ్జి సినిమా పోస్టర్లపై ఆగ్రహం వ్యక్తం చేశారు. రొమాంటిక్‌ మూవీ పోస్టర్లు చూసి 5వ అదనపు జిల్లా జడ్జికి కోపం తెప్పించాయి. రాయచోటిలో శుక్రవారం రొమాంటిక్‌ సినిమా విడుదలైంది.. ఆ థియేటర్ దగ్గర ప్రచారం కోసంఈ సినిమా పోస్టర్లను పట్టణమంతా అంటించారు. ఈ క్రమంలో రాయచోటి ఐదో అదనపు జిల్లా జడ్జి ఎస్‌ఎండీ లక్ష్మి శుక్రవారం ఉదయం కోర్టుకు వెళ్లే సమయంలో దారిలో ఈ పోస్టర్లను గమనించారు. ఆ పోస్టర్లను చూసి అవాక్కైన జడ్జి ఆగ్రహం వ్యక్తం చేశారు. వెంటనే కోర్టు నుంచి అమీనాను థియేటర్ యజమాని వద్దకు పంపించారు. యువతను పెడదోవ పట్టించేలా ఉన్న.. పోస్టర్లను వెంటనే తొలగించాలని, లేనిపక్షంలో క్రిమినల్‌ చర్యలు చేపట్టాల్సి వస్తుందని హెచ్చరించినట్టు తెలిసింది. దీంతో రొమాంటిక్‌ సినిమా పోస్టర్లపై వైట్‌ పేపర్‌ అతికించారు.
0 Comments