బీసీ సంక్షేమ సంఘం జాతీయ అధ్యక్షుడు త్వరలో టీఆర్‌ఎస్‌లో చేరనున్నారని, సీఎం కేసీఆర్ ఆయనకి ఎమ్మెల్సీ పదవి ఆఫర్ ఇచ్చారని గురువారం సోషల్‌మీడియా కోడై కూసింది. దాన్ని ఆధారంగా చేసుకుని కొన్ని వెబ్‌సైట్లు, న్యూస్ ఛానళ్లు సైతం దీనిపై కథనాలు ప్రసారం చేశాయి. బీసీ సంక్షేమ సంఘంతో పాటు 120 బీసీ కులాలు హుజూరాబాద్‌ ఎన్నికలో గెల్లు శ్రీనివాస్‌కే మద్దతు ఇస్తున్నట్లు ఆయన ప్రకటించడంతో ఆర్‌.కృష్ణయ్య కారెక్కడం ఖాయమంటూ అందరూ ఫిక్స్ అయిపోయారు. అయితే తాను టీఆర్‌ఎస్‌లో చేరుతున్నట్లు జరుగుతున్న ప్రచారంలో ఏ మాత్రం వాస్తవం లేదని ఆర్‌.కృష్ణయ్య తాజాగా స్పష్టం చేశారు. హైదరాబాద్‌లోలో గురువారం ఆయన మీడియాతో మాట్లాడుతూ బీసీ గణన కోసం తీర్మానం చేయడం, బీసీ బంధు అమలుకు హామీ ఇచ్చిన నేపథ్యంలోనే తాను టీఆర్‌ఎస్‌కు మద్దతు ప్రకటించినట్లు చెప్పారు. అంతేతప్ప తాను పార్టీలో చేరుతున్నట్లు వస్తున్న వార్తల్లో ఎలాంటి నిజం లేదని స్పష్టం చేశారు. కొందరు ఉద్దేశపూర్వకంగానే తనపై దుష్ప్రచారం చేస్తున్నారని మండిపడ్డారు.
0 Comments