చట్నీ తీసుకురమ్మంటే.. ఎంత పనిచేశావు తల్లి.. విషాదం..

అమ్మ టిఫిన్ బండి నడిపిస్తోంది. కూతురు అప్పుడప్పుడు తల్లికి సాయంగా ఉండేది. ఇంటికి వెళ్లి చట్నీ తీసుకురమ్మని కూతురికి చెప్పగా.. ఆమె మాట వినలేదు. దీంతో కూతురిని కాస్తా మందలించింది. ఇక అంతే ఇంటికి వెళ్లి రసాయన పదార్థం తిని.. ఆత్మహత్యకు పాల్పడింది. ఈ విషాదకర ఘటన జిల్లాలో జరిగింది. వన్ టౌన్ పోలీసులు తెలిపిన వివరాల ప్రకారం.. రాజాపానగల్ రోడ్డు ప్రాంతానికి చెందిన పాపిశెట్టి సుబ్బారావు, అంజమ్మ దంపతులు. వీరికి ఇద్దరు కుమార్తెలు ఉండగా.. పెద్ద కుతూరికి వివాహం అయింది. అంజమ్మ టిఫిన్ బండి నిర్వహిస్తోంది. చిన్న కుమార్తె నిస్సి (15) అప్పుడప్పుడు తల్లికి సాయంగా పని చేసేది. ఈ నెల 25న టిఫిన్ బండి దగ్గర చట్నీ అయిపోవడంతో కూతురు నిస్సికి చట్నీ తీసుకురావాలని తల్లి చెప్పింది. అయితే నిస్సి తల్లి మాట వినలేదు. దీంతో కూతురిని మందలించింది. మనస్తాపం చెందిన నిస్సి ఇంటికి వెళ్లి రసాయన పదార్థం తినింది. కూతురు అనారోగ్యంతో ఉండడం గమనించిన కుటుంబ సభ్యులు ఆసుపత్రికి తరలించారు. చికిత్స పొందుతూ నిస్సి శుక్రవారం అర్ధరాత్రి కన్నుముసింది. దీంతో కుటుంబ సభ్యుల రోదనలు మిన్నంటాయి.