జనసేన అధినేత పవన్‌పై ఏపీ తెలుగు,సంస్కృత అకాడమీ చైర్ పర్సన్ షాకింగ్ కామెంట్స్ చేశారు. విష వృక్షం నీడలో ఉన్నంత కాలం ఎదగలేరన్నారు. తను సొంతంగా ప్రజల్లోకి వెళితే తప్ప నాయకుడు కాలేరని.. పది అడుగుల పాదయాత్ర చేసి ప్రజలు ఎక్కువగా కనిపిస్తే కారు ఎక్కే పవన్.. ప్రజల్లో జగన్ పాదయాత్ర లాగా చేయగలవా అని ప్రశ్నించారు. అసలు పవన్ సిద్దాంతం ఏంటో పవన్‌కైనా తెలుసా అని ప్రశ్నించారు. కమ్యూనిస్టులు, టీడీపీలతో కలిసి పనిచేసి టీడీపీ చేసిన తప్పులను ఎత్తి చూపలేక పోయారన్నారు. ప్రభుత్వంతో సినీ పెద్దలు చిరంజీవి, సీ కళ్యాణ్ ఇతరులు కలిసిన తర్వాతే ప్రభుత్వం ఆన్‌లైన్ టికెట్ల ప్రక్రియపై నిర్ణయం తీసుకుందన్నారు. ఒక నాయకుడిగా ఉన్న పవన్.. దొంగ టికెట్ల అమ్మకాలకు సపోర్ట్ చేస్తే నాయకుడివి ఎలా అవుతావన్నారు. లీడర్ అయిన వాళ్లు మంచి వైపు మాట్లాడాలని.. జగన్ ప్రభుత్వం ఏం తప్పు చేసిందని మాట్లాడుతున్నారని ప్రశ్నించారు. చంద్రబాబు రెండు కళ్ల సిద్ధాంతం మానుకోవాలని.. లేకపోతే ప్రజలు కళ్ల సిద్దాంతం ఎప్పుడూ వింటారో తెలియని పరిస్థితి ఉందన్నారు.
0 Comments