కడప: ఆవుదూడకు ఘనంగా బర్త్ డే వేడుకలు.. ఆ రైతుకు ఎంత ప్రేమ

కడప జిల్లాలో ఓ రైతు వినూత్నంగా ఆవుదూడకు ఘనంగా పుట్టినరోజు వేడుకలు జరిపించారు. గ్రామస్తులందరిని పిలిచి కేక్ కట్ చేసి సంబరాలు జరుపుకున్నారు. సుండుపల్లె మండలం ఈడిగెపల్లెకు చెందిన రైతు శంకర్‌ ఇంట్లో ఆవు ఉంది. ఈ గోవుకు ఏడాది క్రితం ఓ ఆవుదూడ జన్మించింది.. అప్పటి నుంచి ప్రేమ పెంచుకున్నారు. తన ఇంట్లో లక్ష్మీదేవి జన్మించిందంని సంబరపడిపోయారు. అప్పటి నుంచి దూడను కన్నబిడ్డలా చూసుకుంటున్నారు. స్వగృహం నుండి మేళ తాళాలతొ గ్రామంలోని కొత్త పురమ్మ ఆలయం వద్దకు గోమాతను తీసుకెళ్లి.. అమ్మవారి ఎదుట ప్రత్యేక పూజలు నిర్వహించారు. ఊర్లో అందరినీ పిలిచి మంగళవాయిద్యాల నడుమ అమ్మవారి గుడి దగ్గరకు తీసుకెళ్లి పూజలు చేసి తరువాత కేక్ కట్ చేసి గ్రామస్తులంతా తినిపించుకున్నారు. ఓ గోవుకు తన సొంతబిడ్డకు చేసినట్లు వేడుకలు నిర్వహించడం చూసి స్థానికులు ఆశ్చర్యపోయారు.