బిగ్ బాస్: నటరాజ్ మాస్టర్‌కి మైండ్ దొబ్బిందా? వింత ప్రవర్తనకి అందరూ షాక్

నిన్నటి ఎపిసోడ్‌లో నామినేషన్ హీట్ నడిచింది. మొత్తంగా ఎనిమిది సభ్యులు ఎలిమినేషన్‌కి నామినేట్ అయ్యారు. ఇక నేటి 24 ఎపిసోడ్‌లో ఏమైందంటే.. యాంకర్ రవి దగ్గరకు వెళ్లి గుంటనక్క నేనే కదా.. అని అడిగారు. నువ్ ఎవ్వర్నీ ప్రభావితం చేయకు.. నాకు ఆ పాయింట్‌లో అలా అనిపించింది అంతే.. నువ్ ఫీల్ కాకు అని చెప్పాడు నటరాజ్ మాస్టర్. ఒక్కసారి నువ్ గుంటనక్క కాదని చెప్పండి మాస్టర్.. ప్రతివారం నాగార్జున గారు గుంటనక్క అంటే అందరూ నా వైపు చూస్తున్నారు.. నాకు ఎట్లుంటుంది అన్నా అని ఫీల్ అయ్యాడు. రంగులు మార్చే ఊసరవెల్లి ఒకడు నీ గురించి నా దగ్గర మాట్లాడాడు.. కరెక్ట్ పేరు పెట్టావ్ అని అన్నాడు.. వాడి గురించి నీకు తరువాత చెప్తా అని అనడంతో.. ఎవరు విశ్వనా అని అడిగాడు రవి. మరోవైపు లోబో ప్రవర్తనపై ప్రియ ఎమోషనల్ అయ్యింది.. ఏడుస్తూ కనిపించింది. ఇంటి సభ్యులు ఆమెను ఓదార్చారు. ఇక నిన్న నామినేషన్స్ సందర్భంగా.. కాజల్ తనని ఫిజికల్‌గా టచ్ చేయడం నచ్చలేదని అందుకే నామినేట్ చేస్తున్నట్టు చెప్పాడు రవి. అది మనసులో పెట్టుకుని కాజల్ బాధపడింది. రవి వచ్చి కాజల్ పక్కన కూర్చోవడానికి ప్రయత్నించగా.. కాజల్ లేచి వెళ్లిపోయింది.. ఫిజికల్ అంటావా?? నా వర్డ్ నాకు నచ్చలేదని చెప్పి సీరియస్ అవుతూ లేచి వెళ్లిపోయింది.. లోపలికి వెళ్లి సిరిని పట్టుకుని ఏడ్చేసింది. అయితే రవి మళ్లీ బయట కవర్ డ్రైవ్ స్టార్ట్ చేశాడు.. నాకు తలపై కొడితే వెంటనే కోపం వచ్చేస్తుంది.. నేను ఆమె జుట్టుపట్టుకున్నా.. తను వద్దని అన్నది.. ఆ తరువాత వదిలేశా అని మానస్ దగ్గర చెప్పాడు. ఆ తరువాత కాజల్‌ని కన్వెన్స్ చేయడానికి ప్రయత్నించాడు. ఇక నటరాజ్ మాస్టర్ అయితే.. ఇంట్లో ఉన్న వాళ్లందరికీ గుంటనక్క మాదిరే జంతువులు పేర్లు పెట్టి రవి, లోబోల ముందు నవ్వించే ప్రయత్నం చేశాడు. ఆ తరువాత యాంకర్ రవి.. విశ్వ, మానస్, శ్రీరామ్‌ల దగ్గరకు వచ్చి.. నటరాజ్ మాస్టర్ అందరికీ జంతువుల పేర్లు పెడుతున్నాడు.. అతను గుంటనక్క అన్నది నన్నే అని అందరికీ అర్థం అయ్యింది. ఇప్పుడు కూడా నిన్ను కాదని అంటున్నాడు.. నువ్ ఎవర్నైతే విశ్వ అన్నా.. విశ్వ అన్నా అని అంటున్నావో వాడు నా దగ్గరకు వచ్చి.. రవికి గుంటనక్క అని కరెక్ట్ పేరు పెట్టావ్ అని అన్నాడని నటరాజ్ మాస్టర్ చెప్తున్నాడు.. నువ్ అన్నావా? అని విశ్వని అడగ్గా.. విశ్వ షాక్ అయ్యి.. ఓయమ్మా.. దేవుడి మీద ఒట్టు పెడదాం అంటే ఒట్లు పెట్టొద్దని అన్నారు.. నేను ఆ విషయాన్ని ఆయనతో మాట్లాడలేదు అని చెప్పాడు. నేను అనలేదు.. కెమెరాల ముందు చెప్తున్నా అని అన్నాడు విశ్వ. ఇక ఉదయాన్నే రవి విషయంలో చాలా డిస్ట్రబ్ అయ్యానని సిరి దగ్గర చెప్పి తెగ ఫీల్ అయ్యింది కాజల్. ఇక నిన్నటి ఎపిసోడ్‌లో పిచ్చెక్కినట్టు ప్రవర్తించిన లోబో.. ప్రియ దగ్గరకు వెళ్లి ఆమెను పట్టుకుని ఎమోషనల్ అయ్యాడు. ఇక శ్రీరామ్ అయితే తన అద్భుత గానంతో మరోసారి అలరించారు. జన్మ నీదేలే అని పాట అందుకుని.. ప్రియ కళ్లలో కన్నీళ్లు వచ్చేట్టు చేశాడు. శ్రీరామ్ గానామృతానికి ప్రియాంక పొంగిపోయి వెళ్లి హగ్ చేసుకుంది. బిగ్ బాస్ ఇంటి సభ్యులకి టాస్క్ ఇచ్చి.. ఇంట్లో ఉన్న వాళ్లు ఇద్దరిద్దరు చొప్పున జంటలుగా విడిపోవాలని.. అలాగే వెయిట్ కూడా చూసుకోవాలని చెప్పారు. అయితే అందరికంటే ముందుగా అందరూ ఊహించనట్టే షణ్ముఖ్.. నేను సిరి ఉంటామ్ అని తెగేసి చెప్పాడు. ఇక బిగ్ బాస్ హౌస్‌లోకి కొంతమంది బయట వ్యక్తులు వచ్చి.. ఇంట్లో ఉన్న తినే పదార్దాలు అన్నీ తీసుకుని వెళ్లిపోయారు. ఆ తరువాత ఇంటి సభ్యుల్లో జంటలు ఎవరెవరో చెప్పాలని కెప్టెన్ జస్వంత్‌ని అడిగారు బిగ్ బాస్. జంటలు ఎవరెవరంటే.. 1. కాజల్-జెస్సీ 2. షణ్ముఖ్- సిరి 3. లోబో- నటరాజ్ 4. రామ్ -హమీదా 5. శ్వేతా-ఆనీ మాస్టర్ 6. ప్రియ- ప్రియాంక 7. రవి - విశ్వ 8. సన్నీ - మానస్ కెప్టెన్సీ టాస్క్.. శారీరక మానసిక ఉల్లాసంలో భాగంగా ‘గెలవాలంటే తగ్గాల్సిందే’ అనే టాస్క్ ఇచ్చారు. ఈ టాస్క్‌లో అన్ని జంటల ఏకైక లక్ష్యం సాధ్యమైనంత బరువుని కోల్పోవడం. ఏ జంట అయితే అందరి కంటే ఎక్కువగా బరువుని కోల్పోతారో వాళ్లే కెప్టెన్సీ పోటీదారులుగా నిలుస్తారని ట్విస్ట్ ఇచ్చారు బిగ్ బాస్. ఆహారానికి బదులుగా ప్రొటీన్స్, కొబ్బరినీళ్లని మాత్రమే అందిస్తాం అని చెప్పారు బిగ్ బాస్. ప్రియ-యాంకర్ రవి పాత గొడవపై మళ్లీ అయిపోయింది ఏదో అయిపోయింది.. ఇక వదిలెయ్ రవీ అని చెప్పిది ప్రియ. నేను బయటకు రావాలని చూస్తున్నా అక్కా.. కానీ మరిచిపోలేకపోతున్నా అని అన్నాడు రవి. నటరాజ్ మాస్టర్ అయిపోయిన దాన్ని మళ్లీ మళ్లీ కెలుకుతున్నాడు.. అది నాకు నచ్చడం లేదని చెప్పింది ప్రియ. నటరాజ్ మాస్టర్‌కి మైండ్ దొబ్బిందా? నేటి ఎపిసోడ్‌లో నటరాజ్ మాస్టర్ చిత్ర విచిత్రంగా ప్రవర్తించాడు.. తనలో తాను మాట్లాడుకుంటూ.. పెద్ద పెద్దగా నవ్వుకుంటూ.. మంచి బలం ఉన్న ఫిజికల్ టాస్క్ పెడితే నా వేట ఏంటో చూపిస్తా అని తనలో తాను మాట్లాడుకుంటూ పిచ్చి పిచ్చిగా ప్రవర్తించాడు. లోబో అయితే అతని పిచ్చి చేష్టలు చూసి బెంబేలెత్తిపోయాడు. మిగిలిని ఇంటి సభ్యులు ఈయనకు ఏమైందని విచిత్రంగా చూశారు.. కొందరైతే నవ్వుకుని ఎంజాయ్ చేశారు. ప్రియాంక అయితే పడి పడి నవ్వుకుంది. వర్కౌట్ చేశాక నా మైండ్ షార్ప్ అయ్యిందని నటరాజ్ మాస్టర్ పెద్దగా నవ్వుతుంటే లోబో అతన్ని చూసి.. టాస్క్ సంగతి ఏమో కానీ మిమ్మల్ని చూస్తుంటే భయం వేస్తుందని దండం పెట్టేశాడు. చూసే ఆడియన్స్ కూడా నటరాజ్ మాస్టర్‌కి మైండ్ ఏమైనా డిస్ట్రబ్ అయ్యిందా? అనే సందేహాలు కలిగాయి. మరోవైపు నటరాజ్ మాస్టర్‌తో జోడీ కట్టిన లోబో ఆకలికి ఆగలేక.. ప్రిజ్డ్‌లో పెట్టిన ఫుడ్‌ని సీక్రెట్‌గా లాగించేయడంతో హౌస్‌ కెప్టెన్ జెస్సీకి శిక్ష వేశాడు బిగ్ బాస్. అతనితో పాటు జెస్సీతో జోడీ కట్టిన కాజల్‌ కూడా కెప్టెన్సీ అనర్హత వేటుకి గురైంది. ఆ ముచ్చట్లు రేపటి ఎపిసోడ్‌లో.