జగన్ ఆస్తుల కేసుపై సీబీఐ కోర్టులో విచారణ జరిగింది. జగతి పబ్లికేషన్స్‌లో పెట్టుబడుల కేసులో దర్యాప్తు పూర్తయిందని సీబీఐ కోర్టుకు ఈడీ తెలిపింది. జగన్, విజయసాయిరెడ్డి జగతి పబ్సికేషన్స్‌ ప్రమేయంపై దర్యాప్తు పూర్తయిందని కోర్టులో ఈడీ మెమో దాఖలు చేసింది. అభియోగాల నమోదు, డిశ్చార్జ్ పిటిషన్లపై వాదనలు వినిపించాలని జగన్, విజయసాయిరెడ్డి జగతి పబ్లికేషన్స్‌ను ఆదేశించింది. వాదనలు వినిపించేందుకు ఇదే చివరి అవకాశమని కోర్టు తెలిపింది. అలాగే ఈ కేసుతో పాటు వైఎస్‌ జగన్, విజయసాయిరెడ్డి దాఖలు చేసిన డిశ్చార్జ్ పిటిషన్లపై కూడా కోర్టు విచారణ చేపట్టింది. అనంతరం ఈ కేసు విచారణను అక్టోబరు 5వ తేదీకి వాయిదా వేసింది. డిశ్చార్జ్ పిటిషన్లపై కౌంటర్ల దాఖలుకు మరోసారి సీబీఐ కోర్టును గడువు కోరింది. ఇటు శామ్యూల్‌ డిశ్చార్జ్ పిటిషన్‌పై వాదనల కోసం ఇండియా సిమెంట్స్‌ కేసును అక్టోబరు 1కి, రాజగోపాల్‌ డిశ్చార్జి పిటిషన్‌పై వాదనల కోసం రఘురాం సిమెంట్స్‌ కేసు అక్టోబరు 4కి వాయిదా పడింది. ఎమ్మార్‌ కేసులో కోనేరు మధు ప్రమేయంపై సమాచారం కోరుతూ దేశాలకు పంపించిన ఎల్‌ఓఆర్‌లు ఏ స్థాయిలో ఉన్నాయో తెలపాలని సీబీఐని కోర్టు ఆదేశించింది. ఎమ్మార్‌ కేసులో తదుపరి దర్యాప్తుపై వివరాలు తెలిపేందుకు రెండు వారాలు గడువు కావాలని ఈడీ కోరింది. ఎమ్మార్‌ ఈడీ కేసును అక్టోబరు 12కి, సీబీఐ కేసును అక్టోబరు 4కి వాయిదా వేసింది.
0 Comments