సామాన్యులకు మరో ఝలక్ తగలనుందా? పండుగ సీజన్ ముందు కాటన్ దుస్తుల ధరలు పెరగనున్నాయా? వెలువడుతున్న నివేదికలను గమనిస్తే.. అవుననే సమాధానం వినిపిస్తోంది. ఎందుకంటే అంతర్జాతీయ మార్కెట్‌లో పత్తి ధర ఏకంగా 10 ఏళ్ల గరిష్టాన్ని తాకింది. ఈ ఏడాది కాటన్ ధర మరింత పెరగొచ్చనే అంచనాలున్నాయి. పత్తి సాగు తక్కువగా ఉండటం ఇందుకు ప్రధాన కారణం. దసరా పండుగ వస్తోంది. దీంతో చాలా మంది కొత్త బట్టలు కొంటారు. దీంతో కాటన్ దుస్తుల ధరలు పెరిగే ఛాన్స్ ఉంది. దీని వల్ల టెక్స్‌టైల్ కంపెనీలకు బెనిఫిట్ ఉండనుంది. Also Read: గ్రాసిమ్, రేమాండ్ వంటి గార్మెంట్ కంపెనీలకు ప్రయోజనం కలుగనుంది. గత ఏడాది పత్తి సాగుతో పోలిస్తే.. ఈసారి పత్తి సాగు 6 శాతం మేర తగ్గింది. అంచనా వేసిన ఉత్పత్తి కన్నా పత్తి తక్కువగా ఉండటం వల్ల ధరలు పెరిగాయి. 10 నుంచి 12 శాతం పైకి కదిలాయి. ప్రస్తుతం కాటన్ ధర క్వింటాల్‌కు రూ.7 వేల వరకు ఉంది. ప్రభుత్వ ధర రూ.5725. భారీ వర్షాల కారణంగా అమెరికాలో పత్తి సాగు దెబ్బతింది. అాగే చైనాలో కాటన్‌కు ఫుల్ డిమాండ్ ఉంది. దీంతో పత్తికి డిమాండ్ భారీగా నెలకొంది. మండీలలో పత్తి ధర క్వింటాల్‌కు రూ.6500కు పైనే ఉంది. గత ఏడాదితో పోలిస్తే క్వింటాల్‌కు రూ.1000 ఎక్కువగా లభిస్తోంది.
0 Comments