మీరు ఫోన్‌పే ఉపయోగిస్తున్నారా? అయితే మీకు శుభవార్త. మీకు కొత్త సేవలు అందుబాటులోకి రానున్నాయి. ఫోన్‌పై ఇక తన ప్లాట్‌ఫామ్ ద్వారా అన్ని రకాల ఇన్సూరెన్స్ ప్రొడక్టులను విక్రయించనుంది. దీనికి ఇన్సూరెన్స్ రెగ్యులేటర్ ఐఆర్‌డీఏఐ అనుమతి ఇచ్చింది. ఐఆర్‌డీఏఐ నుంచి తమకు ఇన్సూరెన్స్ బ్రోకింగ్ లైసెన్స్ లభించిందని డిజిటల్ పేమెంట్స్ ప్లాట్‌ఫామ్ ఫోన్‌పే తెలిపింది. ఫోన్‌పేకు గత ఏడాది కార్పొరేట్ ఏజెంట్ లైసెన్స్ వచ్చింది. అయితే ఇది పరిమితమైనది. కేవలం మూడు సంస్థలతో భాగస్వామ్యం ద్వారా కంపెనీ ఇన్సూరెన్స్ సేవలు అందించేది. Also Read: కానీ ఇప్పుడు డైరెక్ట్ బ్రోకింగ్ లైసెన్స్ లభించింది. దీని వల్ల ఫోన్‌ఫే అన్ని రకాల ఇన్సూరెన్స్ కంపెనీల ప్రొడక్టులను తన ప్లాట్‌ఫామ్ ద్వారా విక్రయించొచ్చు. దీంతో 30 కోట్ల మందికి పైగా ఫోన్‌పే యూజర్లకు చాలా రకాల పాలసీలు అందుబాటులోకి రానున్నాయి. కాగా ఫోన్‌పే 2020 జనవరిలో ఇన్సూరెన్స్ విభాగంలోకి అడుగు పెట్టింది. జనరల్ ఇన్సూరెన్స్, టర్మ్ ఇన్సూరెన్స్, హెల్త్ ఇన్సూరెన్స్ ప్రొడక్టులను అందిస్తోంది. ఇకపోతే ఫోన్ పే ద్వారా కస్టమర్లు డబ్బులు పంపడం, పొందడం, రీచార్జ్‌లు చేయడం, ఇన్వెస్ట్‌మెంట్ చేయడం, బంగారంలో ఇన్వెస్ట్ వంటి సేవలు పొందొచ్చు.
0 Comments