దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా SBI (ఎస్‌బీఐ) తాజాగా తన కస్టమర్లకు తీపికబురు అందించింది. సరి కొత్త ఫీచర్ అందుబాటులోకి తీసుకువచ్చింది. దీంతో బ్యాంక్ కస్టమర్లు ఇకపై మరింత భద్రంగా ఆన్‌లైన్ లావాదేవీలు నిర్వహించొచ్చు. ఆన్‌లైన్ మోసాలు పెరిగిపోతున్న నేపథ్యంలో బ్యాంక్ ఈ ఫీచర్ తీసుకురావడం గమనార్హం. ఎస్‌బీఐ యోనో లైట్ వాడే వారి కోసం స్టేట్ బ్యాంక్ కొత్త సెక్యూరిటీ ఫీచర్ తీసుకువచ్చింది. బ్యాంక్ ట్విట్టర్ వేదికగా ఈ విషయాన్ని వెల్లడించింది. గతంలో కన్నా ఇప్పుడు ఆన్‌లైన్ బ్యాంకింగ్ మరింత సురక్షితమని ఎస్‌బీఐ తెలిపింది. లేటెస్ట్ యోనో లైట్ యాప్ డౌన్‌లోడ్ చేసుకోవాలని కోరింది. ఎస్‌బీఐ యోనో లైట్ యాప్‌కు సిమ్ బైండింగ్ ఫీచర్‌ను జోడించింది. అంటే బ్యాంక్ కస్టమర్లు వారి మొబైల్ ఫోన్‌లో రిజిస్టర్డ్ మొబైల్ నెంబర్ కలిగి ఉంటేనే యోనో లైట్ యాప్‌ను ఉపయోగించడం సాధ్యమౌతుంది. అంటే యోనో లైట్ యాప్‌ను ఒక డివైజ్‌లో మాత్రమే ఉపయోగించడం వీలవుతుంది. Also Read: Also Read:
0 Comments