శ్రీశైలంలో అద్భుత సన్నివేశం.. నిండుకుండలా, అపురూప దృశ్యాలు

కృష్ణమ్మ కదిలింది వడివడిగా.. నాగార్జునసాగర్ వైపు పరవళ్లు తొక్కుతూ ప్రవహిస్తోంది. ఈ అద్భుత దృశ్యాలు డ్యామ్ వద్దవి. ఎగువ నుంచి వచ్చిన వరద నీటితో శ్రీశైలం జలాశయం నిండుకుండలా మారింది. వరద ప్రవాహం కొనసాగుతుండటంతో అధికారులు బుధవారం సాయంత్రం 7 గంటలకు శ్రీశైలం డ్యాం గేట్లు తెరిచి నీటిని కిందకి వదిలారు. తొలుత లాంఛనంగా ఒక గేటు ఎత్తారు. ఆ తర్వాత 10 గేట్లను ఎత్తి నీటిని దిగువకు విడుదల చేయనున్నారు. ఆ అపురూప దృశ్యాలను చూసి తరించడానికి శ్రీశైలం డ్యాం వద్దకు పర్యాటకులు భారీగా చేరుకున్నారు. ప్రాజెక్ట్ ప్రస్తుతం ఇన్ ఫ్లో,4,62,390 క్యూసెక్కులు,ఔట్ ఫ్లో 3,20,228 క్యూసెక్కులుగా ఉంది. కుడి, ఎడమ గట్ల విద్యుత్ కేంద్రంలో విద్యుత్ ఉత్పాదన చేస్తున్నారు. పూర్తి స్థాయి నీటిమట్టం 885 అడుగులు.. ప్రస్తుతం నీటి మట్టం 884.00అడుగులు ఉంది. పది క్రెస్టు గేట్లు 10 అడుగుల మేర తెరిచి దిగువ సాగర్ కు నీరు విడుదల చేస్తున్నారు. ప్రస్తుత నీటి నిల్వ 210.0320టీఎంసీలు కాగా.. పూర్తి స్థాయి నీటి నిల్వ 215.807 టీఎంసీలు. 2007 తర్వాత మళ్లీ జులైలో శ్రీశైలం నిండి నీటిని విడుదల చేసే పరిస్థితి రావడం ఇదే తొలిసారి కావడం విశేషం. ఇదే సమయంలో అటు కుడిగట్టు జలవిద్యుత్‌ కేంద్రంలో ఒక యూనిట్‌ ద్వారా విద్యుత్ ఉత్పత్తి చేపట్టారు. డ్యాం గరిష్ఠ నీటిమట్టం 885 అడుగులు కాగా, ప్రస్తుతం 881.5 అడుగులకు చేరింది. జూరాల, సుంకేసుల నుంచి వరద ప్రవాహం కొనసాగుతోంది. దీంతో డ్యాం అధికారులు, శ్రీశైలం ఎమ్మెల్యే శిల్పా చక్రపాణిరెడ్డి జలాశయం గేటును 10 అడుగుల మేర పైకెత్తి నాగార్జున సాగర్‌కు నీటిని విడుదల చేశారు.