కూతురు వయసుండే యువతిపై ఓ వ్యక్తి అఘాయిత్యానికి పాల్పడ్డాడు. తిరుపతిలో జరిగిన ఈ దారుణం ఆలస్యంగా బయటపడింది. ఓ యువతి తండ్రి ఏడేళ్ల కిందట ప్రమాదంలో చనిపోయారు. రెండేళ్ల క్రితం తల్లి అనారోగ్యంతో కన్నుమూశారు. దీంతో మంగళం బీటీఆర్‌ కాలనీకి చెందిన ఆమె ఫ్యామిలీ ఫ్రెండ్ ఇంట్లో నివాసం ఉంటోంది. అదే ప్రాంతానికి చెందిన నాగేంద్రబాబు తనపై అత్యాచారానికి పాల్పడ్డట్టు ఆ యువతి అలిపిరి పోలీసులకు శుక్రవారం ఫిర్యాదు చేసింది. నాగేంద్రబాబు ఈ నెల 28న తనకు మాయ మాటలు చెప్పి శ్రీనివాసం సమీపంలోని ఓ లాడ్జికి తీసుకెళ్లాడని ఆమె ఆరోపించారు. మత్తుమందు కలిపిన కూల్‌డ్రింక్‌ తనకు ఇచ్చి అత్యాచారానికి పాల్పడ్డాడని ఆమె ఫిర్యాదులో పేర్కొన్నారు. ఈ ఘటపై సీఐ కేసు నమోదుచేసి దర్యాప్తు చేస్తున్నారు. నిందితుడు నాగేంద్రబాబుకు ఇద్దరు పిల్లలు ఉన్నారని.. పరారీలో ఉన్న నిందితుడి కోసం గాలిస్తున్నట్లు పోలీసులు తెలిపారు. ఈ కేసుకు సంబంధించి పూర్తి వివరాలు తెలియాల్సి ఉంది.
0 Comments