పన్ను చెల్లింపుదారులకు కేంద్రం ఊరట!

కరోనా వైరస్ సెకండ్ వేవ్ కారణంగా కేంద్ర ప్రభుత్వం పన్ను చెల్లింపుదారులకు ఊరట కలిగించే నిర్ణయాలు తీసుకుంది. పలు అంశాలకు సంబంధించిన డెడ్‌లైన్స్‌ను పొడిగించింది. ఇంకా ఇతర నిర్ణయాలు కూడా తీసుకుంది. దీంతో పన్ను చెల్లింపుదారులకు ఊరట కలుగనుంది. 1. కోవిడ్ 19 ట్రీట్‌మెంట్ కోసం ఉద్యోగులు కంపెనీ నుంచి పొందే డబ్బులపై ఎలాంటి పన్ను ఉండదు. అలాగే కరోనా చికిత్స కోసం బంధువులు, ఇతరుల నుంచి తీసుకునే డబ్బులకు కూడా ఇదే వర్తిస్తుంది. 2. కేంద్రం క్యాపిటల్ గెయిన్స్ ట్యాక్స్ గడువు పొడిగించింది. సెప్టెంబర్ 30 వరకు గడువు ఇచ్చింది. Also Read: 3. కోవిడ్ 19 వల్ల చనిపోయిన వారి కుటుంబాలకు కంపెనీల నుంచి లభించే ఎక్స్‌గ్రేషియా డబ్బులపై కూడా ఎలాంటి పన్ను ఉండదు. రూ.10 లక్షల పరిమితి వరకు పన్ను కట్టాల్సిన అవసరం లేదు. 4. మోదీ సర్కార్ ఆధార్ పాన్ లింక్ గడువును కూడా పొడిగించింది. సెప్టెంబర్ 30 వరకు గడువు ఉంది. పాన్ ఆధార్ లింక్ చేసుకోకపోతే పాన్ కార్డు చెల్లదు. 5. కేంద్ర ప్రభుత్వం వివాద్ సే విశ్వాస్ స్కీమ్ కింద వడ్డీ లేకుండా డబ్బులు చెల్లించడానికి ఆగస్ట్ 31 వరకు గడువు ఇచ్చింది.