ఇంటి స్థలం కోసం వివాదం.. కన్నతల్లి, తమ్ముడి దారుణ హత్య

సూర్యాపేట జిల్లాలో దారుణం చోటు చేసుకుంది. భూ తగాదా విషయంలో తల్లిని, తమ్ముని ఓ అన్న అతి దారుణంగా హత్య చేశాడు. ఆత్మకూరు మండలంలో ఈ సంఘటన చోటు చేసుకుంది. ఆత్మకూరు యస్ మండలం కందగట్ల గ్రామంలో నివాసం ఉంటున్న ఇద్దరు అన్నదమ్ముల మధ్య ఇంటి స్థలం విషయంలో ఘర్షణ చెలరేగింది. దీంతో ప్రతిరోజు ఇద్దరు అన్నదమ్ములు గొడవ పడుతూ ఉండేవాడు. ఈరోజు కూడా ఇద్దరు అన్నదమ్ముల మధ్య స్థలం విషయంలో గొడవ తలెత్తింది. దీంతో ఆవేశంతో రగిలిపోయిన అన్న కత్తితో అమ్మను, తమ్ముడిని పొడిచి అతి దారుణంగా హత్య చేసి అక్కడి నుండి పారిపోయాడు. స్థానికులు ఇచ్చిన సమాచారం మేరకు పోలీసులు సంఘటన స్థలానికి చేరుకుని మృతదేహాలను పోస్టుమార్టం నిమిత్తం ప్రభుత్వ ఆసుపత్రికి తరలించారు. కేసు నమోదు చేసుకుని దర్యాప్తు ప్రారంభించారు. నిందితుడు పరారీలో ఉన్నాడు. అతని కోసం పోలీసులు గాలింపు చర్యలు చేపట్టారు.