హుజూరాబాద్‌లో ఈటల గెలుపుపై.. రాజా సింగ్ కీలక వ్యాఖ్యలు

తిరుమల శ్రీవారిని పలువురు ప్రముఖులు దర్శించుకున్నారు. ఉదయం విఐపి దర్శనంలో తెలంగాణ , కర్ణాటక బీజేపీ మాజీమంత్రి గాలి జనార్దన్ రెడ్డిలు స్వామివారిని దర్శించుకొని మొక్కులు చెల్లించుకున్నారు. అనంతరం ఆలయ అర్చకులు ఆశీర్వదించి తీర్ధప్రసాదాలు అందచేసారు. అనంతరం మీడియాతో మాట్లాడారు ఎమ్మెల్యే రాజా సింగ్. కుటుంబ సమేతంగా స్వామివారిని దర్శించుకున్నామన్నారు. టిటిడి కోవిడ్ నిబంధనలు పాటిస్తూ కరోనా సమయంలో తక్కువమంది భక్తులకు దర్శనం చేయిస్తుందని తెలిపారు. ఇక రాష్ట్ర రాజకీయాలపై కూడా రాజాసింగ్ పలు వ్యాఖ్యలు చేశారు. తెలంగాణ లో సీఎం కేసిఆర్ పై వ్యతిరేకత వస్తుందన్నారు. మాజీ మంత్రి ఈటెల రాజేందర్‌ను కేసీఆర్ అనేక ఇబ్బందులకు గురిచేసారన్నారు. తెలంగాణ లో బిజేపి బలంగా ఉందన్నారు. హుజురాబాద్‌లో గెలుపు ఈటలదే అని ధీమా వ్యక్తం చేశారు. నున్న ఎన్నికల్లో బిజేపి అధికారంలోకి రావడం కాయమని జోస్యం చెప్పారు రాజా సింగ్.