జగన్ సర్కార్‌కు సంగం డెయిరీ డైరెక్టర్ల ట్విస్ట్

జగన్ సర్కార్‌కు గుంటూరు జిల్లా డైరెక్టర్లు ట్విస్ట్ ఇచ్చారు. డెయిరీని ప్రభుత్వం స్వాధీనం చేసుకోవడాన్ని సవాల్‌ చేస్తూ హైకోర్టులో పిటిషన్ దాఖలు చేశారు. ఆంధ్రప్రదేశ్‌ పాడిపరిశ్రమాభివృద్ధి సంస్థ పరిధిలోకి డెయిరీని తీసుకొస్తూ ప్రభుత్వం మంగళవారం జారీ చేసిన జీవో 19కి వ్యతిరేకంగా డెయిరీ డైరెక్టర్లు పిటిషన్ దాఖలు చేశారు. సంగం డెయిరీ ఆస్తులు, యాజమాన్యాన్ని స్వాధీనంలోకి తీసుకుంటూ ప్రభుత్వం ఉత్తర్వులిచ్చిందని.. అత్యవసరంగా విచారణ జరపాలని పిటిషనర్ల తరఫున లాయర్ జడ్జిలను కోరారు. ఈ పిటిషన్‌పై బుధవారం విచారణ జరగలేదు.. ఇవాళ విచారణకు వచ్చే అవకాశం ఉంది. గుంటూరు జిల్లా సంగం డెయిరీ విషయంలో ఏపీ ప్రభుత్వం కీలక నిర్ణయం తీసుకుంది. డెయిరీ యాజమాన్యం బదిలీ చేసింది.. పాల ఉత్పత్తి దారుల సహకార సంఘానికి బదిలీ చేశారు. సంగం డెయిరీ యాజమాన్య హక్కులు మారుస్తూ ఏపీ ప్రభుత్వం జీవో విడుదల చేసంది. సంగం డెయిరీ రోజువారీ కార్యకలపాల బాధ్యత తెనాలి సబ్ కలెక్టర్‌కు అప్పగించారు.. తెనాలి సబ్ కలెక్టర్ మయూర్ అశోక్ డెయిరీకి చేరుకున్నారు.. అక్కడి పరిస్థితులపై ఆరా తీయనున్నారు. డెయిరీ రోజువారీ కార్యకలాపాలు ఇబ్బంది కలగకూడదని ఉద్దేశంతోనే జీవో విడుదల చేశామని ప్రభుత్వం చెబుతోంది. సంగం డెయిరీలో అవకతవకలు జరిగాయంటూ ఏసీబీ అధికారులు ఛైర్మన్ ధూళిపాళ్ల నరేంద్ర కుమార్‌ను ఏసీబీ అధికారులు అరెస్ట్ చేసిన సంగతి తెలిసిందే. ఆయన్ను కోర్టులో హాజరుపర్చగా రిమాండ్ విధించడంతో జైలుకు తరలించారు. అలాగే ఐదు రోజులుగా సంగం డెయిరీలో ఏసీబీ అధికారులు సోదాలు చేస్తున్నారు. మరోవైపు ఇప్పటికే డెయిరీ వ్యవహారాలపై మాజీ ఎమ్మెల్యే ధూళిపాళ్ల నరేంద్ర కుమార్ హైకోర్టును ఆశ్రయించారు. ఈ పిటిషన్‌పైనా విచారణ కొనసాగుతోంది.