టీడీపీలో విషాదం.. సీనియర్ నేత, టీటీడీ మాజీ ఛైర్మన్ కన్నుమూత

టీడీపీని విషాదం వెంటాడింది. సీనియర్‌ నేత, పెడన మాజీ ఎమ్మెల్యే గుండెపోటుతో కన్నమూశారు. గత రెండు రోజులుగా విజయవాడ ఆంధ్ర ఆస్పత్రిలో ఆయన చికిత్స పొందుతూ తుది శ్వాస విడిచారు. పార్థివ దేహాన్ని స్వగ్రామమైన బంటుమిల్లి మండలం నాగేశ్వరరావుపేటలోని స్వగృహంలో ఉంచారు. శుక్రవారం ఉదయం ఆరు గంటల నుంచి 10 గంటల వరకు ప్రజల సందర్శనార్థం పార్టీ కార్యాలయంలో ఉంచుతారు. అనంతరం అంత్యక్రియలు నిర్వహించనున్నారు. కాగిత మృతిపై అధినేత చంద్రబాబు, పార్టీ నేతలు, కార్యకర్తలు సంతాపాన్ని వ్యక్తం చేశారు. కాగిత వెంక ట్రావు కుమారుడు, పార్టీ పెడన నియోజకవర్గ ఇంఛార్జ్ కృష్ణప్రసాద్‌ను మాజీ ముఖ్యమంత్రి చంద్రబాబు ఫోన్‌లో పరామర్శించారు. టీడీపీ ఆవిర్భావం నుంచి వెంకట్రావు బలమైన వర్గాన్ని ఏర్పాటు చేసుకున్నారు. 1985 నాటి నుంచి 4 సార్లు ఎమ్మెల్యేగా గెలుపొందారు. గతంలో టీటీడీ చైర్మన్‌గా పనిచేశారు. ఉత్తమ నాయకుడిగా పార్టీ అధినేత చంద్రబాబు నుంచి అవార్డును అందుకున్నారు. 2019 ఎన్నికల్లో పోటీకి దూరంగా ఉన్నారు.. తన కుమారుడు కాగిత కృష్ణప్రసాద్‌ను పోటీ చేయించగా.. ఓటమి ఎదురైంది.