తిరుమలకు వెళ్లే భక్తులకు అలర్ట్.. ఇక కొత్త నిబంధనలు, వివరాలివే

తిరుమలకు వెళ్లే భక్తులకు అలర్ట్. సోమవారం నుంచి కొత్త నిబంధనలు అమల్లోకి వచ్చాయి. కరోనా కేసులు పెరుగుతుండటంతో దర్శన సమయానికి 24 గంటలు ముందే (ఉదయం 9 తర్వాతే మరుసటి రోజు టిక్కెట్లున్నవారు) నడకదారి భక్తులను నడకదారిలోకి అనుమతించనున్నారు. అలాగే మధ్యాహ్నం 1 గంట తరువాతే మరుసటి రోజు దర్శన టికెట్లు ఉన్న భక్తులను ఘాట్ రోడ్డులో అనుమతివ్వనున్నారు. టీటీడీ కొత్త నిబంధనలతో భక్తుల ఇబ్బందులు పడుతున్నారు. కొత్త నిబంధనలు తెలియక మెట్ల మార్గం, అలిపిరి టోల్‌గేట్ దగ్గరకు భక్తులు భారీగా చేరుకున్నారు. భక్తులను విజిలెన్స్ సిబ్బంది అనుమతించకపోవడంతో భక్తులు తీవ్ర ఇబ్బందులుపడుతున్నారు. భక్తుల్ని అదుపు చేయలేక విజిలెన్స్ సిబ్బంది చేతులెత్తేస్తున్నారు. సమాచారం లేకపోవడంతోనే ఇలా జరుగుతోందని భక్తులు ఆరోపిస్తున్నారు. అలిపిరి దగ్గర భారీగా జనాలు ఉన్నారు.. అలాగే వాహనాలు కూడా అక్కడే నిలిచిపోయాయి.