తాండూరు: అర్ధరాత్రి బావిలోకి దిగిన ఎస్ఐ.. ఎందుకో తెలిస్తే కన్నీళ్లు ఆగవు

పోలీసులంటే శాంతి భద్రతలు పరిరక్షించడం, తప్పు చేసిన వారిని దండించడమే కాదని, వారిలో మరో కోణం కూడా ఉంటుందని నిరూపించారు ఆ ఎస్ఐ. బావిలో దూకి ఆత్మహత్య చేసుకున్న వ్యక్తి మృతదేహాన్ని బావిలో నుంచి తీసి ఆదర్శంగా నిలిచారు. సాటి పోలీసులు, గ్రామస్థులు వెనకడుగు వేసి సమయంలో ముందుకొచ్చిన ఆ ఎస్ఐపై అందరూ ప్రశంసలు కురిపిస్తున్నారు. వివరాల్లోకి వెళ్తే... వికారాబాద్‌ జిల్లా మండలం కొత్లాపూర్‌కు చెందిన రాయిపల్లి నర్సింహులు(32) అనే వ్యక్తి మంగళవారం మధ్యాహ్నం ఎల్లమ్మ ఆలయ సమీపంలోని బావిలో దూకి ఆత్యహత్యకు పాల్పడ్డాడు. విషయాన్ని గమనించిన గ్రామస్థులు పోలీసులకు సమాచారం ఇచ్చారు. Also Read: సిబ్బందితో కలిసి అక్కడికి చేరుకున్న ఎస్‌ఐ ఏడుకొండలు బావిలోంచి మృతదేహాన్ని వెలికితీసే ప్రయత్నాలు ప్రారంభించారు. అయితే బావిలోకి దిగి మృతదేహాన్ని గాలించేందుకు స్థానికులెవరూ ముందుకు రాలేదు. పోలీసు సిబ్బంది సైతం వెనకడుగు వేశారు. చివరకు ఎస్‌ఐ ఏడుకొండలు ముందుకొచ్చి తాళ్ల సాయంతో బావిలోకి దిగారు. చీకట్లోనే నీళ్లలో గాలించి కొద్ది నిమిషాల వ్యవధిలో మృతదేహాన్ని గుర్తించారు. అనంతరం తాళ్ల ద్వారా మృతదేహాన్ని బావిలోంచి బయటకు తీశారు. ఎస్‌ఐ స్వయంగా బావిలోకి దిగి మృతదేహాన్ని వెలికితీయడంతో స్థానికులు చప్పట్లతో ఆయనకు అభినందనలు తెలియజేశారు. ఎస్ఐ ఏడుకొండలు సాహసం గురించి తెలుసుకున్న ఉన్నతాధికారులు సైతం ఆయన్ని అభినందించారు.