ఖమ్మం: ఆ శునకం మళ్లీ నడుస్తోంది.. గ్రామీణ వైద్యుడి మానవత్వానికి సోషల్‌‌మీడియా సలాం

సాటి మనిషి కళ్లముందే కష్టాలు పడుతున్నా పట్టించుకోని రోజులివి. అలాంటిది ఓ గ్రామీణ డాక్టర్ వీధి శునకానికి చేసిన సాయం ఇప్పుడు ప్రశంసలు అందుకుంటోంది. మనుషుల్లో మానవత్వం ఇంకా ఉందనడానికి ఆయనే ప్రత్యక్ష నిదర్శనమంటూ నెటిజన్లు ఆకాశానికి ఎత్తేస్తున్నారు. దీనికి సంబంధించి ఫోటోలు ఇప్పుడు సోషల్‌మీడియాను షేక్ చేస్తున్నారు. Also Read: జిల్లా కొణిజర్ల మండలంలో కొద్దిరోజుల క్రితం ఓ వీధి శునకాన్ని వాహనం ఢీకొట్టింది. ఈ ఘటనలో దాని వెనుక రెండు కాళ్లు కోల్పోయి నడవలేని స్థితిలో కొట్టుమిట్టాడుతోంది. దాన్ని అవస్థను చూసి చాలామంది బాధపడినా ఏమీ చేయలేకపోయారు. అయితే ఆ శునకం పడుతున్న కష్టం ఓ గ్రామీణ డాక్టర్‌ను కదిలించింది. సింగరాయపాలెం గ్రామానికి చెందిన షేక్‌ ఆషా ఆ ప్రాంతంలో వైద్యుడిగా సేవలు అందిస్తున్నారు. Also Read: కొద్ది రోజుల క్రితం తన నివాసానికి సమీపంలోని వీధి శునకానికి నడుము, కాళ్లు విరిగిపోయి ఉండటాన్ని ఆయన గమనించారు. దాన్ని చేరదీసి ఇంట్లో చిన్న పిల్లలు ఆడుకునే చక్రాల బండికి మార్పులు చేర్పులు చేసి శునకం నడుముకు అమర్చారు. దీంతో ఆ శునకం ఇప్పుడు ఎక్కడికైనా సులభంగా నడుచుకుంటూ వెళ్లగలుగుతోంది. ఈ శునకం ఫోటోలను కొందరు స్థానికులు ఫోటోలు తీసి సోషల్‌మీడియాలో పోస్ట్ చేయగా అవికాస్తా వైరల్‌గా మారాయి. మూగజీవిపై మానవత్వం చాటుకున్న డాక్టర్ షేక్‌ ఆషాను నెటిజన్లు ప్రశంసిస్తున్నారు. Also Read: