తిరుపతి: నోరు జారిన డిప్యూటీ సీఎం.. ఆ పార్టీని మర్చిపోలేదా స్వామి

ప్రచారంలో డిప్యూటీ సీఎం నారాయణస్వామి నోరు జారారు. శ్రీకాళహస్తిలోని ఓ కళ్యాణ మండపంలో వైఎస్సార్‌సీపీ నియోజకవర్గస్థాయి శ్రేణులతో ఏర్పాటు చేసిన సమావేశానికి హాజరయ్యారు. నేతలు, కార్యకర్తల్ని ఉద్దేశించి మాట్లాడిన నారాయణస్వామి పార్టీ శ్రేణులందరూ 'మన గుర్తు హస్తానికి ఓటేయాలని' చెప్పగానే ఒక్కసారిగా అందరూ పెద్దగా కేకలు వేశారు. హస్తం కాదు ఫ్యాన్ గుర్తు అని అలర్ట్ చేశారు. వెంటనే అప్రమత్తమైన డిప్యూటీ సీఎం.. హస్తం గుర్తు మోసం చేసిందని, జగన్‌మోహన్‌రెడ్డి నాశనం చూడాలని భావించిందని.. అందుకే దానికి ఓటు వేయవద్దని చెప్పే సమయంలోపు మరోలా అనుకోవడం సరికాదన్నారు. ఇదే విషయమై ప్రసంగం అయ్యాక మళ్లీ శ్రేణులందరూ ఫ్యాన్‌ గుర్తుకు ఓటేసి గెలిపించాలని కోరారు. ఈ వీడియో సోషల్ మీడియాలో వైరల్ అవుతోంది. టీడీపీ కార్యకర్తలు ట్రోల్స్ చేస్తున్నారు.