Andhra Pradesh: ట్రంకు పెట్టెలో దాచిన రూ.5 lakhs చెదలపాలు... ఎక్కడో తెలుసా..?
========================================
కృష్ణాజిల్లా మైలవరం మండల కేంద్రానికి చెందిన బిజిలి జమలయ్య అనే వ్యక్తి పందుల వ్యాపారం చేస్తున్నాడు. పందులను మేపి వాటిని విక్రయించడం అతడి వృత్తి. కుటుంబ సభ్యులు కూడా చిన్నచిన్న పనులు చేసుకుంటూ జీవనం సాగిస్తున్నారు. తన వ్యాపారంలో వచ్చిన లాభాలను ఇంట్లో దాచి పెట్టుకున్నాడు. నిరక్షరాశ్యుడైన జమలయ్య బ్యాంక్ ఎకౌంట్లపై అవగాహన లేకపోవడంతో డబ్బులన్నీ ఓ తుప్పుపట్టిన ట్రంకుపెట్టెలో దాచాడు.
ఇందులో రూ.500 నోట్ల నుంచి రూ.10 నోటు వరకు అన్నింటినీ జాగ్రత్తగా దాచిపెట్టాడు. ఓ వ్యాపారికి లక్షరూపాయలు ఇవ్వాల్సి వచ్చి డబ్బుల కోసం ట్రంక్ పెట్టె తెరిచి చూశాడు. అంతే ఒక్కసారిగా షాక్ కు గురయ్యాడు. అతడు కూడబెట్టిన డబ్బులన్నీ చెదలు తినేశాయి. నోట్లకట్టలను ముక్కలుముక్కలు చేశాయి. రూ.5లక్షల్లో రూపాయి కూడా పనికిరాకుండా పోయింది.
0 Comments