తిరుపతి ఉప ఎన్నికలో గెలుపు ఆ పార్టీదే.. ఎగ్జిట్ పోల్ వివరాలివే

ఎగ్జిట్‌పోల్ ఫలితాలు విడుదలయ్యాయి. ఆరా సంస్థ సర్వే ప్రచారం వైఎస్సార్‌సీపీ 65.85 శాతం ఓట్లు దక్కించుకున్నట్లు అంచనా వేసింది. టీడీపీకి 23.10 శాతం ఓట్లు, బీజేపీకి 7.34 శాతం, ఇతరులకు 3.71 శాతం ఓట్లు వస్తాయంటోంది. ఎగ్జిట్‌ పోల్ ఫలితాలకు తుది ఫలితాలకు 2 నుంచి 3 శాతం వరకు తేడా ఉండొచ్చని వెల్లడించింది. ఆత్మసాక్షి ఎగ్జిట్‌ పోల్ ఫలితాల ప్రకారం వైఎస్సార్‌ సీపీ 59.25%, టీడీపీ 31.25%, బీజేపీ 7.5% ఓట్లు సాధిస్తాయి అంటున్నారు. వైఎస్సార్‌సీపీ తన సిట్టింగ్‌ స్థానాన్ని మళ్లీ సొంతం చేసుకుంటుందని అన్ని సర్వేలు తేల్చి చెప్పాయి. మే 2 (ఆదివారం) తిరుపతి లోక్‌సభ ఉప ఎన్నిక ఫలితాలు వెలువడనున్నాయి. 2019 సార్వత్రిక ఎన్నికల్లో తిరుపతి ఎంపీగా ఎన్నికైన బల్లి దుర్గాప్రసాదరావు గతేడాది సెప్టెంబరు 16న కరోనాతో మరణించడంతో ఆ స్థానం ఖాళీ అయింది. ఈ మేరకు అక్కడ ఈ నెల 17న ఉప ఎన్నిక నిర్వహించారు. వైఎస్సార్‌సీపీ నుంచి డాక్టర్ గురుమూర్తి, టీడీపీ నుంచి కేంద్ర మాజీ మంత్రి పనబాక లక్ష్మి, బీజేపీ నుంచి రిటైర్డ్ ఐఏఎస్ రత్నప్రభలు పోటీ చేశారు.