మళ్లీ పెరిగిన పెట్రోల్, డీజిల్ ధరలు!

వాహనదారులకు ఝలక్. పెట్రోల్, డీజిల్ ధరలు క్రమంగా పెరుగుతూ వస్తున్నాయి. నిన్న ఒక్క రోజు స్థిరంగా కొనసాగిన దేశీ ఇంధన ధరలు ఈరోజు మరోసారి పెరిగాయి. దీంతో వాహనదారులపై ప్రతికూల ప్రభావం పడనుంది. హైదరాబాద్‌లో పెట్రోల్ ధర గురువారం పెరిగింది. లీటరు పెట్రోల్ రేటు 26 పైసలు పైకి కదిలింది. దీంతో పెట్రోల్ ధర రూ.105.74కు చేరింది. డీజిల్ రేటు విషయానికి వస్తే.. 32 పైసలు పెరుగుదలతో రూ.98.06కు ఎగసింది. ఏపీ గుంటూరు అమరావతిలో పెట్రోల్ ధర 25 పైసలు పెరుగుదలతో రూ.107.56కు చేరింది. డీజిల్ రేటు 31 పైసలు పెరుగుదలతో రూ.99.38కు ఎగసింది. Also Read: మరోవైపు అంతర్జాతీయ మార్కెట్‌లో ముడి చమురు ధరలు తగ్గాయి. బ్రెంట్ క్రూడాయిల్ ధర బ్యారెల్‌కు 0.46 శాతం తగ్గుదలతో 77.73 డాలర్లకు క్షీణించింది. డబ్ల్యూటీఐ క్రూడ్ ఆయిల్ ధర బ్యారెల్‌కు 0.28 శాతం క్షీణతతో 74.61 డాలర్లకు తగ్గింది. ఇకపోతే సాధారణంగా పెట్రోల్, డీజిల్ ధరలు ప్రతి రోజు మారుతూ వస్తుంటాయి. అంతర్జాతీయ మార్కెట్‌లో ముడిచమురు ధరల ప్రాతిపదికన ఇంధన రిటైల్ కంపెనీలు పెట్రోల్, డీజిల్ ధరలను సవరిస్తూ వస్తుంటాయి. ఈ నేపథ్యంలోనే ధరలు ఒక రోజు పెరగొచ్చు. మరో రోజు తగ్గొచ్చు. లేదంటే స్థిరంగా కూడా కొనసాగవచ్చు.