భారత్, న్యూజిలాండ్ మధ్య జరుగుతున్న కాన్పూర్ టెస్టులో కొత్త వివాదం రాజుకుంది. మ్యాచ్‌లో భారత సీనియర్ ఆఫ్ స్పిన్నర్ రవిచంద్రన్ అశ్విన్ బౌలింగ్ చేసిన తీరుపై ఫీల్డ్ అభ్యంతరం వ్యక్తం చేశాడు. ఈ మేరకు భారత జట్టు తాత్కాలిక కెప్టెన్ అజింక్య రహానెకి కూడా మైదానంలో అంపైర్ నితిన్ మీనన్ ఫిర్యాదు చేస్తున్నట్లు కనిపించింది. కాన్పూర్ టెస్టులో శనివారానికి మూడు రోజుల ఆట ముగియగా.. భారత్ జట్టు ప్రస్తుతం 63 పరుగుల ఆధిక్యంలో కొనసాగుతోంది. అసలు ఏం జరిగిందంటే? శనివారం ఇన్నింగ్స్ 77వ ఓవర్ బౌలింగ్ చేసిన అశ్విన్.. బంతి విసిరిన తర్వాత నాన్స్ట్రైక్ ఎండ్‌లోని బ్యాట్స్‌మెన్‌ ముందుకు వస్తూ కనిపించాడు. బంతి విసిరిన వెంటనే అశ్విన్ అలా క్రీజులో క్రాస్‌గా వస్తుండటంతో.. తాను బంతి గమనాన్ని చూడలేకపోతున్నాను అనేది నితిన్ మీనన్ ఫిర్యాదు. అలానే నాన్స్ట్రైక్ ఎండ్‌లోని బ్యాట్స్మెన్కి అశ్విన్ అడ్డుగా రావడంతో.. అతను క్రీజు నుంచి వేగంగా సింగిల్‌ కోసం ముందుకు వెళ్లలేని పరిస్థితి కనిపించింది. వాస్తవానికి కాన్పూర్ టెస్టులో బ్యాటింగ్‌ సమయంలోనూ అశ్విన్, ఫీల్డ్ అంపైర్ల మధ్య గొడవ శుక్రవారం జరిగింది. అశ్విన్ పిచ్‌లోని డేంజర్ ఏరియాలో అడుగులు పెట్టడంతో అతనికి అంపైర్లు వార్నింగ్ ఇచ్చారు. దాంతో.. శనివారం కూడా అతను పిచ్ డేంజర్ ఏరియాలో అడుగులు పెట్టాడు.. అందుకే అంపైర్ నితిన్ మీనన్ వార్నింగ్ ఇచ్చాడని తొలుత మ్యాచ్ కామెంటేటర్లు చెప్పుకొచ్చారు. కానీ.. రిప్లైలో అశ్విన్ పిచ్ డేంజర్ ఏరియాలో ఏమీ అడుగులు పెట్టలేదు అని తేలింది. కానీ.. ఫీల్డ్ అంపైర్ నితిన్ మీనన్, నాన్స్ట్రైక్ ఎండ్‌లోని బ్యాట్స్మెన్కి అతను అడ్డుగా వెళ్లాడు. ఆ ఓవర్‌లో నితిన్ మీనన్ వార్నింగ్ ఇచ్చిన తర్వాత అశ్విన్ రౌండ్ ద వికెట్ వచ్చి బౌలింగ్ చేయడం గమనార్హం.
0 Comments