ఆంధ్రప్రదేశ్‌లో పీఆర్సీ ప్రకటనపై జగన్ ప్రభుత్వం వ్యవహరిస్తున్న తీరుకు వ్యతిరేకంగా ఉద్యోగులు ఆందోళనకు సిద్ధమవుతున్నారు. ఈ క్రమంలో ఏపీ ఉద్యోగులకు తెలుగు దేశం పార్టీ జాతీయ ప్రధాన కార్యదర్శి మద్దతుగా నిలిచారు. ఏపీ ప్రభుత్వ ఉద్యోగులకు వచ్చిన కష్టం పగవాడికి కూడా రాకూడదన్నారు. కనీసం వారిని మనుషుల్లా కూడా చూడకుండా ప్రభుత్వ పెద్దలు అవమానిస్తున్న తీరు బాధాకరమన్నారు. పీఆర్సీ నివేదిక బహిర్గతం చేసి అమలు చేయాలని.. ఇచ్చిన హామీ ప్రకారం తాత్సారం చెయ్యకుండా సీపీఎస్ రద్దు చేయాలని డిమాండ్ చేశారు. ఈ మేరకు నారా లోకేష్ ట్వీట్ చేశారు. ‘‘ప్రభుత్వ ఉద్యోగులకు వచ్చిన కష్టం పగవాడికి కూడా రాకూడదు. కనీసం వారిని మనుషుల్లా కూడా చూడకుండా ప్రభుత్వ పెద్దలు అవమానిస్తున్న తీరు బాధాకరం. ఆఖరికి ఉద్యోగులు దాచుకున్న రూ.1,600 కోట్లను ప్రభుత్వం ఇవ్వక పోవటం దారుణం. పీఆర్సీ నివేదిక బహిర్గతం చేసి అమలు చెయ్యాలి. ఇచ్చిన హామీ ప్రకారం తాత్సారం చెయ్యకుండా సిపిఎస్ రద్దు చెయ్యాలి. రూ.1600 కోట్లు వెంటనే విడుదల చెయ్యాలి. పెండింగ్లో పెట్టిన 7 డీఏలు వెంటనే ఇవ్వాలి. కాంట్రాక్ట్ ఉద్యోగులను రెగ్యులర్ చేయాలి.’’ అని నారా లోకేష్ పేర్కొన్నారు.
0 Comments