ఎమ్మెల్సీ ఎన్నికల్లో రెబల్ అభ్యర్థిగా నామినేషన్ వేసి టీఆర్ఎస్‌కు షాకిచ్చారు మాజీ మేయర్ . టీఆర్ఎస్ అధిష్ఠానం రంగంలోకి దిగి బుజ్జగించినా ఆయన నామినేషన్ విత్‌డ్రా చేసుకోలేదు. తనకు మాటిచ్చి తప్పిన టీఆర్ఎస్‌కు ఎలాగైనా ఝలక్ ఇవ్వాలన్న లక్ష్యంతో అనేక మంది మద్దతు మూటగట్టుకుని ఎలాగైనా గెలవాలని విశ్వప్రయత్నాలు చేస్తున్నారాయన. అయితే రవీందర్‌ సింగ్‌కు ఎన్నికల అధికారులు ఊహించని షాకిచ్చారు. ఎన్నికల నియమావళి ఉల్లంఘించారని ఆయనపై కరీంనగర్ గ్రామీణ ఎంపీడీవో ఫిర్యాదు చేశారు. రవీందర్‌ సింగ్‌ కరీంనగర్ జిల్లా స్థానిక సంస్థల ఎమ్మెల్సీ ఎన్నికల్లో స్వతంత్ర్య అభ్యర్థిగా పోటీ చేస్తున్నారు. మీడియా సమావేశంలో ఓటర్లు రూ.10 లక్షలు డిమాండ్‌ చేసి తీసుకున్నా.. ఓటు మాత్రం తనకే వేయాలని రవీందర్‌ సింగ్‌ అన్నట్లు ఎంపీడీవో ఫిర్యాదు చేశారు. దీంతో పోలీసులు రవీందర్‌సింగ్‌పై కేసు నమోదు అయింది. చాలాకాలంగా టీఆర్ఎస్‌లో ఉంటూ కరీంనగర్ మేయర్‌గా పనిచేసిన రవీందర్‌ సింగ్‌ ఇటీవల పార్టీకి రాజీనామా చేశారు. తనకు ఎమ్మెల్సీ టికెట్‌ వస్తుందనే ఆశతో ఆయన ఎమ్మెల్సీ అభ్యర్థిగా నామినేషన్ వేశారు. అయితే ఉమ్మడి కరీంనగర్ జిల్లాలో టీఆర్ఎస్ తరఫున ఎల్‌. రమణ, టి.భాను ప్రసాద్‌రావును పార్టీ బరిలోకి దించింది. దీంతో అధిష్ఠానంపై అలిగిన ఆయన పార్టీకి రాజీనామా చేసి స్వంతత్ర అభ్యర్థిగా పోటీచేస్తున్నారు.
0 Comments