విమాన ప్రయాణికులకు అలర్ట్.. నిషేధం పొడిగింపు!

విమాన ప్రయాణికులకు ముఖ్యమైన అలర్ట్. ఏవియేషన్ రెగ్యులేటర్ డీజీసీఏ తాజాగా కీలక నిర్ణయం తీసుకుంది. మరోసారి అంతర్జాతీయ విమాన సర్వీసులపై నిషేధాన్ని పొడిగిస్తున్నట్లు ప్రకటించింది. దీంతో ఇప్పుడే ఇంటర్నేషనల్ ఫ్లైట్ సర్వీసులు అందుబాటులో ఉండవు. డీజీసీఏ తాజా ఉత్తర్వుల ప్రకారం చూస్తే.. అక్టోబర్ 31 వరకు అంతర్జాతీయ విమాన సర్వీసులపై నిషేధం కొనసాగుతుంది. ప్రస్తుత కోవిడ్ 19 పరిస్థితుల నేపథ్యంలో ఈ మేరకు నిర్ణయం తీసుకున్నట్లు డీజీసీఏ తెలిపింది. అయితే కొన్నింటికి మాత్రం మినహాయింపు ఇచ్చింది. Also Read: ఇంటర్నేషనల్ కార్గో ఫ్లైట్స్, డీజీసీఏ అనుమతి పొందిన ప్రత్యేక విమానాలకు ఈ రూల్ వర్తించదు. వాటికి అనుమతి ఉంటుంది. అయితే రానున్న కాలంలో ఎంపిక చేసిన రూట్లలో అంతర్జాతీయ విమాన సర్వీసులకు అనుమతి రావొచ్చనే అంచనాలున్నాయి. కాగా మోదీ సర్కార్ గత ఏడాది మార్చి 23 నుంచి అంతర్జాతీయ విమాన సర్వీసులపై నిషేధం విధించిన విషయం తెలిసిందే. కోవిడ్ 19 ఇందుకు ప్రధాన కారణం. ఇప్పటికీ ఈ నిషేధం కొనసాగుతూనే ఉంది. అయితే ఎయిర్‌ బబుల్ అగ్రిమెంట్‌లో భాగంగా కొన్ని దేశాలకు విమాన సర్వీసులపై ఆంక్షలను సడలించారు. పలు దేశాలకు వందే భారత్ ఫ్లైట్స్ నడుపుతోంది.