వివాహ బంధంతో ఒక్కటైన జంట ముచ్చటగా మూణ్నాళ్లు కూడా కాపురం చేయలేకపోయారు. పెళ్లైన కొద్దిరోజులకే మనస్పర్థలు తలెత్తడంతో నిత్యం గొడవలు జరిగేవి. పెద్దలు పంచాయితీ చేసి సర్దిచెప్పినా ఫలితం లేకపోయింది. భర్త వేధింపులు భరించలేనంటూ భార్య పుట్టింటికి వెళ్లిపోయింది. అప్పటికే ఆమె గర్భవతి. ఇటీవల మామ మరణించాడని తెలియడంతో అత్తారింటికి వచ్చింది. గర్భంతో ఉండాల్సిన భార్య మామూలుగా ఇంటికి రావడంతో అనుమానం వచ్చిన భర్త ప్రశ్నించాడు. ఆమె చెప్పిన సమాధానంతో దారుణం జరిగిపోయింది. ఆమె నిండుప్రాణం గాల్లో కలిసిపోయింది. ఈ దారుణ ఘటన సనత్ నగర్ పోలీస్ స్టేషన్ పరిధిలో వెలుగుచూసింది. పోలీసులు తెలిపిన వివరాల మేరకు.. నిజామాబాద్ జిల్లా దర్పల్లికి చెందిన మానస(24)తో జగద్గిరిగుట్టకి చెందిన గంగాధర్‌(32) గతేడాది నవంబర్‌లో వివాహమైంది. కొద్దిరోజులకే కొత్త కాపురంలో కలహాలు రేగాయి. ఇద్దరి మధ్య మనస్పర్థలు తలెత్తడంతో వివాదాలు జరిగేవి. ఆలుమగల మధ్య సఖ్యత కుదిర్చేందుకు పెద్దలు చేసిన ప్రయత్నాలు ఫలించలేదు. పెద్దలు రాజీ కుదిర్చినా కొద్దిరోజులకే మళ్లీ కథ మొదటికొచ్చింది. ఇక భర్త వేధింపులు భరించలేనంటూ భార్య పుట్టింటికెళ్లిపోయింది. అప్పటి నుంచి భర్త మూసాపేటలో ఒంటరిగా నివాసముంటున్నాడు. అయితే ఇటీవల మామ మరణించాడని తెలియడంతో కోడలు జగద్గిరిగుట్టలోని అత్తారింటికి వచ్చింది. అక్కడి నుంచి భార్యని తాను ఉంటున్న మూసాపేటలోని తన ఇంటికి తీసుకొచ్చాడు. గర్భంతో ఉండాల్సిన భార్య మామూలుగా ఉండడం.. తాను చేయించుకున్నానని చెప్పడంతో భర్త కోపం కట్టలు తెంచుకుంది. కడుపులో బిడ్డను తీసేసిన భార్యపై ఆగ్రహంతో దారుణానికి తెగబడ్డాడు. గొంతునులిమి అమానుషంగా హతమార్చాడు. పోలీసులు కేసు నమోదు చేసుకుని దర్యాప్తు చేస్తున్నారు. Also Read:
0 Comments