ఎన్నికల ముందు ఇచ్చిన హామీలను అధికారంలోకి వచ్చాక టీఆర్ఎస్ విస్మరిస్తోందని టీపీసీసీ చీఫ్ అన్నారు. ఆదివారం కొంపల్లిలో జరిగిన బోధన్‌ నియోజకవర్గ కాంగ్రెస్‌ కార్యకర్తల భేటీలో ఆయన మాట్లాడారు. కాంగ్రెస్‌ దళితబంధు పేరుతో ప్రశ్నిస్తుంటే ఓడిపోతానన్న భయంతోనే తెలుగు రాష్ట్రాల ప్రజలను సీఎం కేసీఆర్‌ రెచ్చగొడుతూ లబ్ధి పొందేందుకు ప్రయత్నిస్తున్నారని విమర్శించారు. నిజాం షుగర్‌ ఫ్యాక్టరీని తెరిపిస్తామన్న హామీని తెరాస ప్రభుత్వం విస్మరించిందన్నారు. అబద్ధాలు చెప్పి నిజామాబాద్‌లో గెలిచిన కవిత హామీలు నిలబెట్టుకోకపోవడంతో రైతులు నామినేషన్‌ వేసి మరీ రెండోసారి ఓడగొట్టారని రేవంత్‌రెడ్డి తెలిపారు. పసుపు బోర్డు తెస్తామని ఎంపీ అర్వింద్‌ మరోసారి ప్రజలను మోసగిస్తున్నారని తెలిపారు. రాజీవ్‌ రైతు దీక్ష పేరుతో నిజామాబాద్‌లో ఏర్పాటు చేసిన సభ విజయవంతం కావడం దిల్లీ కాంగ్రెస్‌కు చేరిందని, అందువల్లే నాకు సోనియమ్మ తనకు టీపీసీసీ పదవి ఇచ్చారని రేవంత్‌రెడ్డి తెలిపారు. టీఆర్ఎస్ ప్రభుత్వ వైఫల్యాలను ప్రజల్లోకి తీసుకెళ్లేందుకు త్వరలో గజ్వేల్‌, నిజామాబాద్‌లో భారీసభ ఏర్పాటు చేయనున్నట్లు ఆయన తెలిపారు.
0 Comments