ట్యాంక్‌బండ్‌పై ఎన్నడూ చూడని సరికొత్త లోకం.. పరవశించిపోయిన హైదరాబాదీలు

హుస్సేన్‌సాగర్‌ ట్యాంక్‌బండ్‌పై ట్రాఫిక్‌ రణగొణధ్వనులు లేని వాతావరణంలో ఆదివారం సాయంత్రం కుటుంబాలతో సరదాగా గడపాలన్న హైదరాబాద్‌ వాసుల ఆకాంక్ష ఎట్టకేలకు నెరవేరింది. కొద్దిరోజుల క్రితం ఓ నెటిజన్ ట్విటర్ ద్వారా మంత్రి కేటీఆర్‌ను కోరగా... ఆయన అధికారులను ఆదేశించారు. దీంతో ఆదివారం సాయంత్రం 5 గంటల నుంచి రాత్రి 10 గంటల వరకు ట్యాంక్‌బండ్‌పైకి వాహనాలు రాకుండా నియంత్రించే కార్యక్రమం ప్రయోగాత్మకంగా అమల్లోకి వచ్చింది. ఈ మార్గంలో ప్రయాణించే వాహనాలను ట్రాఫిక్ పోలీసులు ప్రత్యామ్నాయ మార్గాల్లోకి మళ్లించారు. తొలి రోజు కార్యక్రమాన్ని నగర పోలీసు కమిషనర్‌ అంజనీకుమార్‌ స్వయంగా పర్యవేక్షించారు. ఆదివారం సాయంత్రం 5 గంటలక కాగానే అప్పటిదాకా వాహనాలతో కిక్కిరిసిన దారులు.. వాహనాల హారన్ల శబ్ధాలు అన్నీ ఒక్కసారిగా మాయమైపోయాయి. ఎప్పుడూ చూడని ప్రశాంతత నెలకొంది. దీంతతో సందర్శకులు పెద్దఎత్తున హుస్సేన్‌సాగర్‌కు తరలివచ్చి ఆస్వాదించారు. రాయదుర్గం వద్ద నిర్మించిన కేబుల్ వంతెన వారాంతాల్లో పర్యాటకుల కోసమే కేటాయిస్తుండగా.. ఇప్పుడు ఆ జాబితాలోకి ట్యాంక్‌బండ్‌ చేరింది. వారాంతం కుటుంబంతో ట్యాంక్‌బండ్‌పై సేద తీరేందుకు వీలుగా ట్రాఫిక్‌ నియంత్రణ చర్యలు చేపట్టాలని ఇటీవల ఓ నెటిజన్‌ ట్విటర్‌ వేదికగా మంత్రి కేటీఆర్‌ను కోరిన సంగతి తెలిసిందే. దీనిపై స్పందించిన కేటీఆర్ ఆ మేరకు చర్యలు తీసుకోవాలని సంబంధింత యంత్రాంగాన్ని ఆదేశించారు. తొలి రోజు కార్యక్రమాన్ని నగర పోలీసు కమిషనర్‌ అంజనీకుమార్‌ పర్యవేక్షించారు. ఇకపై ప్రతి ఆదివారం సాయంత్రం 5 నుంచి రాత్రి 10 గంటల వరకూ ట్రాఫిక్‌ ఆంక్షలు అమల్లో ఉంటాయని స్పష్టం సీపీ చేశారు. ట్యాంక్‌బండ్ రోడ్లపై పిల్లలు, పెద్దలు ఎంజాయ్ చేస్తున్న వీడియోను మంత్రి కేటీఆర్ ట్విటర్‌ ద్వారా షేర్ చేశారు.