చీకట్లో కాళ్లు పట్టుకున్న చంద్రబాబు.. ఢిల్లీకి వెళ్లే దమ్ము లేక.. ఎంపీ సంచలనం!

తెలుగు దేశం పార్టీ అధినేత, రాష్ట్ర ప్రతిపక్ష నాయకుడు చంద్రబాబునాయుడుపై వైఎస్సార్ కాంగ్రెస్ పార్టీ ప్రధాన కార్యదర్శి, ఆ పార్టీ పార్లమెంటరీ నేత మరోసారి తీవ్రస్థాయిలో రెచ్చిపోయారు. చంద్రబాబును ఉద్దేశించి షాకింగ్ వ్యాఖ్యలు చేశారు. పెట్రోలు, డీజిల్ ధరల పెంపునకు నిరసనగా టీడీపీ ఆధ్వర్యంలో శనివారం రాష్ట్రవ్యాప్తంగా నిరసన ప్రదర్శనలు నిర్వహించిన విషయం తెలిసిందే. ఈ నేపథ్యంలో చంద్రబాబును టార్గెట్ చేస్తూ ఎంపీ విజయసాయిరెడ్డి షాకింగ్ వ్యాఖ్యలు చేశారు. చంద్రబాబుకు జీవితాంతం తప్పించుకు తిరగడమే పని అని వ్యాఖ్యానించారు. కేంద్రం ఆధీనంలోని ధరలపై రాష్ట్రంలో ఆందోళన చేయిస్తారని ఎద్దేవా చేశారు. ఢిల్లీకి వెళ్లే దమ్ములేక గల్లీల్లో డ్రామాలు ఆడుతున్నారని.. మళ్లీ ఢిల్లీ వెళ్లి చీకట్లో కాళ్లు పట్టుకుంటారని సంచలన వ్యాఖ్యలు చేశారు. అను‘కుల’ మీడియా వేషాలను సోషల్ మీడియా పట్టించేస్తోందంటూ సెటైర్లు వేశారు. ఈ మేరకు విజయసాయిరెడ్డి సోమవారం ట్వీట్ చేశారు. ‘‘ఈ పచ్చపైత్యమే అంత. జీవితాంతం తప్పించుకు తిరగడమే చంద్రబాబు పని. కేంద్రం అధీనంలోని ధరలపై రాష్ట్రంలో ఆందోళన చేయిస్తాడు. ఢిల్లీకి వెళ్ళే దమ్ములేక గల్లీల్లో డ్రామాలు. మళ్లీ ఢిల్లీ వెళ్లి చీకట్లో కాళ్లు పట్టుకుంటాడు. అను'కుల' మీడియా వేషాలను సోషల్ మీడియా పట్టించేస్తోంది.’’ అని విజయసాయిరెడ్డి వ్యాఖ్యానించారు.