భర్తకు దూరంగా ఉండనుందా?.. హాట్ టాపిక్‌గా శిల్పా శెట్టి వ్యవహారం

గత నెలలో ఎంతటి మానసిక క్షోభను అనుభవించిందో అందరికీ తెలిసిందే. పోర్నోగ్రఫీ కేసులో భర్త అరెస్ట్ అవ్వడం, మీడియా రకరకాల వార్తలు ప్రచురించడం, శిల్పా శెట్టి ఫ్యామిలీని కూడా మీడియా టార్గెట్ చేయడంతో భావోద్వేగానికి లోనయ్యారు. తన ఫ్యామిలీని ఇందులోకి లాగకండని శిల్పా శెట్టి వేడుకున్నారు. చట్టాన్ని తన పని తాను చేసుకోనివ్వండి, మీడియానే అన్నింటిని నిర్దారించి రాసేస్తోందని శిల్పా శెట్టి వాపోయారు. అయితే ఇప్పుడు శిల్పా శెట్టికి సంబంధించిన వార్తలు మళ్లీ వైరల్ అవుతున్నాయి. శిల్పా శెట్టి తన భర్త రాజ్‌కుంద్రాకు విడాకులు ఇచ్చేందుకు సిద్దమవుతున్నట్లు టాక్ వినిపిస్తోంది. రాజ్‌కుంద్రాతో విడిపోయి తన పిల్లలతో కలిసి జీవించాలని ఆమె నిర్ణయం తీసుకున్నట్లు గుసగుసలు వినిపిస్తున్నాయి. గ‌త నెల 19న ముంబై క్రైం బ్రాంచ్ పోలీసులు రాజ్‌కుంద్రాను అరెస్టు చేయగా.. ఇటీవల బెయిల్‌పై బయటకు వచ్చారు. అయితే భర్త నుంచి దూరంగా ఉండాలని శిల్పా శెట్టి నిర్ణయించుకున్నట్టు బీ టౌన్ చెవులు కొరుకుతోంది. రాజ్ కుంద్రా అరెస్ట్ వల్ల మొహం బయటకు చూపించలేని శిల్పా శెట్టి ఆ మధ్య డ్యాన్స్ ప్రోగ్రాంకు జడ్జ్‌గా కూడా వెళ్లలేదు. మళ్లీ ఈ మధ్యే బుల్లితెరపై సందడి చేసేందుకు బయటకు అడుగుపెట్టేశారు. తాజాగా శిల్పా షేర్‌ చేసిన పోస్ట్‌లో..‘తప్పులు అందరూ చేస్తారు కానీ ఆ తప్పులు భయంకరంగా, ఇతరులను బాధించేలా ఉండకూడదు’ అని రాసి ఉంది. అంతేగాక తప్పు చేశాను కానీ వాటిని సరిదిద్దుకుంటాను అంటూ ఆమె పోస్ట్‌లో పేర్కొనడంతో పలు అనుమానాలు వ్యక్తం అయ్యాయి. దీంతో శిల్పా శెట్టి భర్త రాజ్‌కుంద్రాతో విడిపోనుందా? అంటూ వార్తలు పుట్టుకురావడం ప్రారంభం అయ్యాయి. మరి వీటిలో ఎంత నిజమున్నది తెలియాలంటే ఇంకొన్ని రోజులు ఆగాల్సిందే.