ఏపీ మంత్రి బొత్స సత్యనారాయణపై మండిపడుతోంది. ఆయనపై క్రిమినల్‌ కేసులు నమోదు చేయాలని దళిత జేఏసీ డిమాండ్‌ చేసింది. ఈ మేరకు తుళ్లూరు పోలీస్‌ స్టేషన్‌లో ఫిర్యాదు అందజేశారు. గత ప్రభుత్వ హయాంలో రాజధానికి భూములు ఇచ్చే సమయంలో అమరావతికి అనుకూలమని ప్రస్తుత సీఎం జగన్మోహన్‌రెడ్డి చెప్పి.. ఇప్పుడు మూడు రాజధానుల పేరుతో మోసం చేశారన్నారు. సెక్షన్‌ 420 కింద మంత్రి బొత్సపై కేసు నమోదు చేయాలని ఫిర్యాదులో పేర్కొన్నారు. ఎస్సీ రైతులు అధిక శాతం రాజధాని అమరావతికి భూమినిస్తే.. మంత్రి బొత్స పలుమార్లు ఎస్సీలను ఎగతాళి చేయటమే కాకుండా, అవమానపరచే విధంగా వ్యాఖ్యలు చేశారని జేఏసీ నేతలు ఆరోపించారు.. మంత్రిపై అట్రాసిటీ కేసు నమోదుచేయాలన్నారు. ప్రాంతాల వారీగా ప్రజల మధ్య చిచ్చు పెట్టాలని మంత్రి అమరావతిపై దుష్ప్రచారం చేస్తున్నారని అమరావతి పరిరక్షణ సమితి కన్వీనర్‌ శివారెడ్డి ఆరోపించారు. సీఎం జగన్‌ మెప్పు కోసం మంత్రులు ఇష్టమొచ్చినట్లు మాట్లాడుతున్నారన్నారు. రాజధాని లేని రాష్ట్రం కోసం రైతులు భూములను త్యాగం చేశారని.. ప్రజల భావోద్వేగాలను ఎందుకు రెచ్చగొడుతున్నారన్నారు. ఈ రోజు పరిపాలన జరుగుతోంది తాము ఇచ్చిన భూముల నుంచే అనే విషయాన్ని పరిగణనలోకి తీసుకోకుండా మంత్రులు వ్యాఖ్యలు చేయడం సరికాదన్నారు. విశాఖ స్టీల్‌ప్లాంట్‌ కార్మికులకు న్యాయం చేయలేకపోతున్నారని.. ఎన్ని అరాచకాలు జరుగుతాయోనని ఉత్తరాంధ్ర ప్రజలు భయపడుతున్నారన్నారు.
0 Comments