మదనపల్లె అబ్బాయి.. గుజరాత్ అమ్మాయి. ఇద్దరు మనసులు కలిశాయి.. పెళ్లి చేసుకుందామని పెద్దలకు చెప్పారు. ఒప్పుకోకపోవడంతో పెళ్లి కూడా చేసుకున్నారు.. లవ్ స్టోరీలో ట్విస్ట్‌తో పోలీసుల్ని ఆశ్రయించారు. మదనపల్లె రంగారెడ్డి వీధికి చెందిన విజయ్‌కుమార్‌ కమారుడు కృషవ్‌ బెంగళూరులోని ఓ ప్రైవేట్‌ కంపెనీలో సాఫ్ట్‌వేర్‌ ఉద్యోగం చేస్తున్నాడు. అదే కంపెనీలోనే పనిచేస్తున్న గుజరాత్‌కు చెందిన శివానితో పరిచయం ఏర్పడింది. ఆ తర్వాత ప్రేమగా మారగా.. గత రెండేళ్లుగా ఇద్దరు లవ్‌లో ఉన్నారు. ఈ జంట ప్రేమ వ్యవహారం ఇద్దరి ఇళ్లలో తెలియడంతో.. కుటుంబ సభ్యుల నుంచి ఒత్తిడి పెరిగింది. దీంతో ఇద్దరు రెండు రోజుల క్రితం బెంగళూరు నుంచి వచ్చి కురబలకోట మండలం చేనేతనగర్‌లో ఉండే ఓ ఆలయంలో స్నేహితుల సాయంతో పెళ్లి చేసుకున్నారు. తమ పెద్దల నుంచి ప్రాణహాని ఉందని మదనపల్లె ఒకటో పట్టణ పోలీసులను ఈ ప్రేమజంట ఆశ్రయించింది. ఇద్దరు మేజర్లు కావడంతో పోలీసులు వారికి రక్షణ కల్పించారు.
0 Comments