ముఖ్యమంత్రి కేసీఆర్ ప్రతిష్ఠాత్మకంగా చేపట్టిన హరితహారం కార్యక్రమం తెలంగాణ రాష్ట్రానికి, నగరానికి అరుదైన గుర్తింపు తెచ్చిపెట్టింది. భారత దేశంలో తెలంగాణ రాష్ట్రానికి ‘గ్రీన్‌ స్టేట్‌’గా, అలాగే దేశంలోనే ‘ట్రీ సిటీ ఆఫ్‌ ది వరల్డ్‌’ నగరంగా హైదరాబాద్‌ నగరానికి గుర్తింపు లభించింది. నార్వే అంతర్జాతీయ అభివృద్ధి శాఖ మాజీ మంత్రి, ఐక్యరాజ్య సమితి పర్యావరణ కార్యక్రమం మాజీ ఎగ్జిక్యూటివ్‌ డైరెక్టర్‌ ఎరిక్‌ సోల్‌హెయిమ్‌ సోమవారం ట్విటర్‌ వేదికగా ఈ విషయాన్ని ప్రకటించారు. దేశంలో మరే రాష్ట్రంలోనూ లేనివిధంగా 2019-20 సంవత్సరంలో తెలంగాణలో 38 కోట్ల పైచిలుకు మొక్కలను నాటారని ఆయన తెలిపారు. కేవలం ఆరేళ్లలోనే రాష్ట్రంలో పచ్చదనం(గ్రీన్‌ కవర్‌) 4 శాతం పెరిగిందని వెల్లడించారు. ఇండియా నుంచి హైదరాబాద్‌ మాత్రమే ‘ట్రీ సిటీ ఆఫ్‌ ది వరల్డ్‌’గా గుర్తింపు పొందిందని పేర్కొన్నారు. ఎరిక్‌ ట్వీట్‌ను మంత్రి కేటీఆర్ రీ ట్వీట్‌ చేస్తూ.. తెలంగాణకు గుర్తింపు దక్కడం పట్ల హర్షం వ్యక్త చేశారు.
0 Comments