తెలంగాణలో భారీగా ఐఏఎస్‌ అధికారులు బదిలీ అయ్యారు. ఆరు జిల్లాల కలెక్టర్లు సహా 19 మంది ఐఏఎస్‌లను బదిలీ చేస్తూ రాష్ట్ర ప్రభుత్వం ఉత్తర్వులు జారీ చేసింది. వ్యవసాయ శాఖ కార్యదర్శిగా రఘునందన్‌రావు, రాష్ట్ర పబ్లిక్‌ సర్వీసు కమిషన్‌ కార్యదర్శిగా అనితా రామచంద్రన్‌, మైనారిటీ సంక్షేమ కార్యదర్శిగా అబ్దుల్‌ అజీం, పంచాయతీరాజ్‌ కమిషనర్‌గా శరత్‌, పరిశ్రమలశాఖ సంచాలకునిగా కృష్ణభాస్కర్‌, యువజన సర్వీసుల సంచాలకునిగా వెంకటేశ్వర్లు నియమితులయ్యారు. పలు జిల్లాలకు కలెక్టర్లను మారుస్తూ ప్రభుత్వం ఉత్తర్వులు ఇచ్చింది. కామారెడ్డి కలెక్టర్‌గా జితేశ్‌ పాటిల్‌, వికారాబాద్‌ కలెక్టర్‌గా నిఖిల, రాజన్న సిరిసిల్ల కలెక్టర్‌గా అనురాగ్‌ జయంతి, నాగర్‌కర్నూల్‌ కలెక్టర్‌గా ఉదయ్‌కుమార్‌, జోగులాంబ గద్వాల కలెక్టర్‌గా వల్లూరు క్రాంతి, వరంగల్‌ కలెక్టర్‌గా గోపి, జనగామ కలెక్టర్‌గా శివలింగయ్య, మహబూబాబాద్‌ కలెక్టర్‌గా శశాంక నియామకమయ్యారు. రాష్ట్రంలో ఐదుగురు ఐఎఫ్‌ఎస్‌ అధికారులను ప్రభుత్వం బదిలీ చేసింది. పాటిల్‌ ప్రశాంత్‌ బాజీరావును ములుగు జిల్లా ఏటూరునాగారం, దినేశ్‌కుమార్‌ను కుమురం భీం ఆసిఫాబాద్‌, నవీన్‌రెడ్డిని అచ్చంపేట డీఎఫ్‌వోలుగా నియమించింది. నీజన్‌కుమార్‌కు ఇల్లందు డీఎఫ్‌వోగా బదిలీ చేసి, అక్కడున్న అనిల్‌కుమార్‌ను జీహెచ్‌ఎంసీ జీవవైవిధ్య విభాగ ఏసీఎఫ్‌గా నియమిస్తూ ఉత్తర్వులు ఇచ్చింది.
0 Comments