బుల్లితెర ప్రేక్షకుల్ని ఎంతగానో ఆకట్టుకుంటున్న ‘గుప్పెడంత మనసు’ సీరియల్.. నేడు(2021 ఆగష్టు 30)న 227 ఎపిసోడ్‌కి ఎంటర్ అయ్యింది. 227వ ఎపిసోడ్ హైలైట్స్.. రిషి జగతిని కలిసి ఎప్పటిలానే పెద్ద పెద్ద మాటలతో మనసుని గాయం చేసి వెళ్లిపోతాడు. వసు అమాయకురాలు.. పాములా వాడుకోవద్దు.. స్కెచ్‌లు వేయొద్దు అంటూ తిట్టిపోతాడు. ఇక అదే ఆలోచించుకుంటూ నిద్రపోకుండా ఉన్న జగతి.. నిద్రపోతున్న వసుని నిద్రలేపి మరి.. విషయం అడుగుతుంది. ‘వసు నిద్రపట్టడం లేదు.. సారీ నిద్రలేపేశాను.. రిషి నీతో పెళ్లి గురించి మాట్లాడాడు అన్నావ్ కదా.. ఏం అన్నాడో తెలుసుకోవచ్చా వసు?’ అంటుంది జగతి. ‘పెద్దగా ఏం లేదు మేడమ్.. కానీ ఆశ్చర్యంగా కొత్తగా మాట్లాడారు. నా మీద నీ అభిప్రాయం ఏంటీ? ఒక డబ్బు ఉన్న అబ్బాయిని చూసి పెళ్లి చేసుకో.. అంటూ ఏదేదో మాట్లాడారు..’ అంటూ చెబుతుంది వసు. ‘మరి రిషి అడిగినట్లుగా పెళ్లి గురించి ఆలోచించావా?’ అని జగతి అడగడంతో వసు చిన్నగా నవ్వుతూ.. ‘మా ఇంట్లో పెళ్లి పెళ్లి అని తల వంచితేనే కదా పారిపోయి వచ్చింది.?’ అంటుంది వసు. ‘అంటే నువ్వు నీ మనసులో ఎవరినైనా ప్రేమిస్తున్నావా?’ అంటుంది జగతి. ‘భలే అడుగుతున్నారు మేడమ్ మీరు కూడా.. నా జీవితంలో ఏం జరుగుతుందో నాకు ఏం కావాలో మీకు తెలియదా మేడమ్? అయినా సముద్రంలో మురిగేవారిని సంగీతం వింటావా అన్నట్లుగా ఉంది మేడమ్ మీ ప్రశ్న’ అంటుంది వసు. ఇక రిషి జగతి దగ్గర నుంచి ఆవేశంగా వచ్చిన రిషి.. మహేంద్ర రూమ్‌కి వెళ్తాడు. జగతి గురించి చెప్పడానికి. అయితే వెనుకే దేవయాని వచ్చి వింటూ ఉంటుంది. ‘అసలు ఆవిడ..’ అంటూ మొదలుపెట్టిన క్షణంలోనే మహేంద్రకు ధరణి.. ‘మావయ్యగారు గోడలకు చెవులు ఉంటాయి’ అంటూ హింట్ ఇస్తుంది. దాంతో దేవయాని వింటుందని గమనించిన మహేంద్ర.. ‘రిషి మనం రేపు మాట్లాడుకుందామా? నాకు కాస్త నీరసంగా ఉంది’ అంటూ లేసి నీరసాన్ని నటిస్తాడు. అయితే మెట్ల దగ్గర దేవయాని వెనుకే ఉన్న ధరణి.. ‘ఏంటి మావయ్యగారు మెసేజ్ చూసి ఉండరా’ అనుకుంటూ కావాలనే ‘అత్తగారు.. మీరు ఇక్కడున్నారా’ అంటూ వాళ్లని వినిపించేలా పిలుస్తుంది. దేవయాని బిత్తరపోతుంది. ‘ఉష్ ఉష్ అంటుంది కానీ అప్పటికే రిషి చూసి.. ‘పెద్దమ్మా.. డాడీకి నీరసంగా ఉందట.. చూండండి..’ అని చెప్పి.. రెస్ట్ తీసుకోమని చెప్పి వెళ్లిపోతాడు. ఇక మిస్టర్ ఇగో కాలేజ్‌కి రావడం, మీటింగ్స్ తర్వాత మహేంద్రను పర్సనల్‌గా ఆఫీస్ పైకి తీసుకుని వెళ్లి విషయం చెప్పడంతో కథనం హీటెక్కింది. ‘ఒకరు చేసిన తప్పుకు మరొకరు అనుభవిస్తున్న శిక్ష గురించి మాట్లాడాలి డాడ్’ అనగానే మహేంద్ర ‘రిషి అసలు ఏం జరిగిందో చెబితేనే కదా..? జగ..తి... గురించా..?’ అంటాడు అనుమానంగా. ‘అవును డాడ్.. తన ప్లానింగ్, స్కెచ్‌లు మీకు అర్థం కావట్లేదు.. ముందుగా మీకు కాలేజ్‌కి రావడానికి కాల్ చెయ్యడాలు.. వసుధర ఎంట్రీ అంత కలిసి చాలా పెద్ద ప్రణాలికలే వేశారు..’ అంటూ నోటికి వచ్చినట్లు మహేంద్ర వినలేని మాటలు మాట్లాడతాడు. ‘రిషి ప్లీజ్ స్టాపిట్.. తను ఏం చేస్తుంది రిషి?’ అంటూ అరుస్తాడు మహేంద్ర. ‘నేను వసుధరని ప్రేమిస్తున్నానట..’ అంటాడు రిషి. ‘రిషి ఏం అన్నావ్?’ అంటాడు మహేంద్ర షాక్ అవుతూ. ‘ఇది నేను అనలేదు డాడ్.. ఆవిడ గారే స్వయంగా అంది..’అంటూ రిషి అరుస్తాడు. ‘జగతి అలా అందా? అలా అలా తను మాట్లాడదు కదా..’ అంటాడు మహేంద్ర. ‘నన్ను టార్గెట్ చేశారు డాడ్..’ అంటూ డీజీపీ ఇంట్లో జగతి తనతో మాట్లాడిందంతా చెప్పి ‘వసుధరని నేను ప్రేమించడం ఏంటీ డాడ్ మీరే ఆలోచించండి.. వసుధరని మన ఇంట్లో ప్రవేశపెట్టి.. తర్వాత తను..’ అంటూ కోపంగా రిషి చెప్పుకుంటూ పోతుంటే.. ‘రిషీ..’ అని అరుస్తాడు మహేంద్ర. ‘మీరు తన అమాయకత్వం నుంచి బయటికి రండీ డాడ్.. మిమ్మల్ని వాళ్ల ఇంట్లో డీజీపీ గారి భార్య చూశారట.. దమయంతి గారు అడిగిన ప్రశ్న భవిష్యత్‌లో చాలా మంది అడుగుతారు.. ఏం చెబుతారు? ఏం చెప్పగలరు? వద్దు డాడ్ ఆవిడ మనకొద్దు.. ఈ కాలేజ్‌కి కూడా ఆవిడ వద్దు.. పంపించేయండి.. దూరంగా పంపించేయండి.. ప్లీజ్..’ అంటూ సీరియస్‌గా చెప్పి అక్కడ నుంచి వెళ్లిపోతాడు. పాపం మహేంద్ర ఆలోచనలో పడతాడు. ఇక జగతి కాలేజ్‌లో ప్రాజెక్ట్‌లో భాగంగా డాన్స్‌లు కూడా ఉండటంతో.. వసుధర శిరీష్‌ని ‘నాకు నువ్వే డాన్స్ నేర్పించాలి. నా పరువు నిలబెట్టాలి.. నువ్వు సూపర్‌గా డాన్స్ చేసేవాడివి కదా’ అంటూ రిక్వస్ట్ చేయడంతో వసుని కలవడానికి శిరీష్ డైరెక్ట్‌గా వస్తాడు. ‘గురువుగారికి వందనం’ అంటూ శిరీష్‌తో మాట్లాడుతుంటే రిషి ఎంట్రీ ఇస్తాడు. కమింగ్ అప్‌లో.. జగతితో మహేంద్ర ‘నీకు అనిపిస్తే మాత్రం రిషిని ఎందుకు అడిగావ్ జగతి? అదే తప్పు’ అంటూ బాధగానే జరిగింది షేర్ చేసుకుంటాడు. దాంతో జగతి.. ‘నా కొడుకు మనసు నాకు తెలియదా మహేంద్రా.. నేను అడగడం తప్పేమో కానీ.. అడిగింది మాత్రం నిజమే’ అంటుంది. సీన్ కట్ చేస్తే.. కాలేజ్‌లో శిరీష్ వసుకి డాన్స్ నేర్పించడం చూసి మిస్టర్ ఇగో కుళ్లుకుంటాడు. ‘మీరు డాన్స్ అందరికీ నేర్పిస్తున్నారా? లేక ఒక్కరికేనా’ అంటూ సీరియస్‌గా అడుగుతుంటాడు. మొత్తానికి వసుకి తెలియకుండా మిస్టర్ ఇగో మనసులో ఫీలింగ్స్ పెంచేస్తుంది. శిరీష్‌తో కలిసి వసు డాన్స్ చేయడాన్ని మిస్టర్ ఇగో ఎలా ఆపుతాడో ఏమో? మరిన్ని వివరాలు తరువాయి భాగంలో చూద్దాం! కొనసాగుతోంది.
0 Comments