నవమాసాలు మోసి కన్న బిడ్డనే విషనాగులా పొడుచుకుతిన్నదో కసాయి తల్లి! బిడ్డను కంటికి రెప్పలా కాపాడుకోవాల్సిన తల్లే రాక్షసిగా మారింది. ప్రియుడి మోజులో పసి బిడ్డకు ప్రత్యేక్ష నరకం చూపించింది. చిన్నారిని వందల సార్లు చిత్ర హింసలకు గురి చేసి.. ఆ క్రూరమైన 250కి పైగా వీడియోలను భర్త, ప్రియుడికి పంపించి పైశాచిక అనందం పొందింది. ప్రియుడి మోజులో పడి.. అమ్మతనం మరిచిపోయి అత్యంత క్రూరంగా అరాచకాలకు పాల్పడింది. గుట్టుగా కొనసాగిస్తున్న తన అక్రమ సంబంధాన్ని.. భర్త బహిర్గతం చేయడంతో కక్ష కట్టి, లోకజ్ఞానం ఎరుగని చిన్నారిపై తన పైశాచికత్వం ప్రదర్శించింది. జిల్లాలో ఈ దారుణ ఘటన చోటు చేసుకుంది. పోలీసులు, స్థానికులు తెలిపిన వివరాల మేరకు.. చిత్తూరు జిల్లా రాంపల్లెకు చెందిన తులసికి, తమిళనాడులోని విల్లుపురం జిల్లా, సత్యమంగళం మండలం, మెట్టూరు గ్రామానికి చేందిన వడివేలన్‌కు ఆరేళ్ల క్రితం పెద్దల సమక్షంలో వివాహం జరిగింది. వీరికి గోకుల్ (4), ప్రదీప్ (2) సంతానం. అయితే వడివేలన్ సాధారణ రైతు కావడంతో నిత్యం పొలంలోనే అధిక సమయం గడిపేవాడు. తులసి చేతిలో ఉన్న మొబైల్‌తో రోజూ గడిపేసేది. ఓ రోజు తెలిసిన వ్యక్తిని తులసికి అనుకోకుండా కలిసింది. ఒకరి ఫోన్ నంబర్లు మరొకరు ఇచ్చి పుచ్చుకున్నారు. వీరి మధ్య తరచూ, వాట్సాప్ చాటింగ్‌లు, ఫోన్‌లో మాటలు జరిగేవి. ఈ పరిచయం కాస్తా, అక్రమ సంబంధానికి దారి తీసింది. పొలం పనుల నుంచి ఇంటికొచ్చిన భర్తను కూడా పట్టించుకోకుండా ఎప్పుడూ ఫోన్‌లో మునిగిపోయేది. అయితే, ఒకానొక రోజు ప్రియుడితో ఏకాంతంగా ఉన్న తులసిని చూసిన భర్త వడివేళన్.. భార్యను మందలించాడు. అయితే, ప్రియుడి విషయంలో తులసిలో మార్పు రాకపోకా, రాక్షసిలా మారింది. కన్న బిడ్డలపై విరుచుకు పడేది. పిల్లలకు తీవ్రంగా గాయాలైనా, వదలకుండా దారుణంగా హింసించేది. ఇలా దాడి చేసిన ప్రతి సారి వీడియోలను చిత్రీకరించేది. అమ్మ కొట్టిందని కనీసం చెప్పలేని వయసు ఆ చిన్నారులది. ఒకానొక రోజు ఓ చిన్నారి నోటి నుంచి రక్తం ధారగా రావడం గమనించిన వడివేళన్.. పిల్లలను ఆస్పత్రికి తీసుకెళ్లి చికిత్స అందించాడు. ఈ ఘటన ఈ ఏడాది ఫిబ్రవరి నెలలో జరుగగా.. భార్య తులసి పరారయ్యింది. రెండేళ్ల వయసున్న కొడుకు ప్రదీప్‌ని తీసుకుని, చిత్తూరు జిల్లా అనిపల్లిలో తండ్రి వద్దకు వచ్చేసింది. అనంతరం విడిపోదామంటూ భర్తకు తులసి విడాకుల పత్రాన్ని అందించింది. దీంతో వడివేలన్ పోలీసులను ఆశ్రయించాడు. ఈ క్రమంలోనే భర్తపై కసి పెంచుకున్న తులసి.. ప్రదీప్‌పై అత్యంత క్రూరంగా చిత్రహింసలకు గురి చేసేది. ఇలా, రెండేళ్ల వయసున్న కన్న బిడ్డ ప్రదీప్‌ను చిత్రహింసలకు గురిచేస్తున్న వీడియోలను నేరుగా భర్తకే పంపించడం మొదలుపెట్టింది. ఇలా, మొత్తం 250కి పైగా వీడియోలు సోషల్ మీడియాలో వైరల్ అవ్వడంతో ఈ విషయం వెలుగులోకి వచ్చింది.. ఆ వ్యవహారం తమిళనాడు ముఖ్యమంత్రి ఎంకే స్టాలిన్‌కు తెలియడంతో ఈ కేసుపై సమగ్ర విచారణ జరిపించాలని ఆయన ఆదేశాలు జారీ చేసారు. దీంతో మూడు ప్రత్యేక బృందాలను ఏర్పాటు చేసి తులసి ఆచూకీ కోసం చిత్తూరు జిల్లాలో గాలింపు చర్యలు చేపట్టారు. ఎట్టకేలకు ఆమె ఆచూకీ తెలుసుకున్న పోలీసులు తులసిని అరెస్ట్ చేశారు. అయితే, కన్న తల్లి చేతిలో చిత్రహింసలకు గురైన చిన్నారి ప్రదీప్ పరిస్థితి ప్రస్తుతం విషమంగా ఉన్నట్లు తెలుస్తోంది. దీంతో ఈ కసాయి తల్లి తులసిని కఠినంగా శిక్షించాలని పలువురు డిమాండ్ చేస్తున్నారు.
0 Comments