ఆ ఘోరం జరిగి సరిగ్గా 21 ఏళ్లు.. అందుకే టీడీపీ శ్రేణుల ఉత్సవాలు.. ఎంపీ షాకింగ్ వ్యాఖ్యలు!

తెలుగు దేశం పార్టీ అధినేత, రాష్ట్ర ప్రతిపక్ష నాయకుడు చంద్రబాబునాయుడు, మాజీ మంత్రి అయ్యన్నపాత్రుడుపై వైఎస్సార్ కాంగ్రెస్ పార్టీ ప్రధాన కార్యదర్శి, పార్లమెంటరీ నేత తీవ్రస్థాయిలో రెచ్చిపోయారు. , అయ్యన్నపాత్రుడును ఉద్దేశించి షాకింగ్ వ్యాఖ్యలు చేశారు. జగనన్న కాలనీలు పూర్తయ్యాక టీడీపీకి రాష్ట్రంలో అడ్రస్ ఉండదని విజయసాయిరెడ్డి వ్యాఖ్యానించారు. అందుకే వాటిని ఎలాగైనా ఆపాలన్నది చంద్రబాబు పంతంగా మారిందన్నారు. అందులో భాగమే నర్సీపట్నం వద్ద వేములపూడిలో టీడీపీ కార్యకర్తల వీరంగమని పేర్కొన్నారు. నేలను చదును చేస్తున్న డ్రైవర్‌పై దాడి, రాళ్లతో దాడి చేయించడం ఏంటి అయ్యన్నా? ఈ చిల్లర వేషాలు మానవా? అంటూ షాకింగ్ కామెంట్స్ చేశారు. బషీర్‌బాగ్‌లో రైతులను చంద్రబాబు కాల్చి చంపించారని, ఆ ఘటన జరిగి సరిగ్గా 21 ఏళ్లు గడుస్తోందని గుర్తు చేశారు. అందుకే టీడీపీ శ్రేణులు వీధుల్లోకొచ్చి ఉత్సవాలు చేసుకున్నారని, పచ్చ నేతల అధర్మ పోరాటం అప్పటి నుంచి కొనసాగుతునే ఉందని షాకింగ్ వ్యాఖ్యలు చేశారు. ఈ మేరకు విజయసాయిరెడ్డి సోమవారం వరుస ట్వీట్ చేశారు. ‘‘జగనన్న కాలనీలు పూర్తయ్యాక టీడీపీకి రాష్ట్రంలో అడ్రస్ ఉండదు. అందుకే వాటిని ఎలాగైనా ఆపాలన్నది పచ్చ బాస్ పంతం. అందులో భాగమే నర్సీపట్నం దగ్గర వేములపూడిలో టీడీపీ కార్యకర్తల వీరంగం. నేలను చదును చేస్తున్న డ్రైవర్ పై దాడి, రాళ్లతో దాడి చేయించడం ఏంటి అయ్యన్నా? ఈ చిల్లర వేషాలు మానవా? విద్యుత్ ఛార్జీలు తగ్గించాలన్నందుకు బషీర్ బాగ్ లో రైతులను కాల్చి చంపించాడు చంద్రబాబు. జనరల్ డయ్యర్ వారసుడే ఈ పచ్చాసురుడు. ఆ ఘటన జరిగి సరిగ్గా 21 ఏళ్లు. అందుకే ఇవాళ పచ్చ మంద వీధుల్లోకొచ్చి ఉత్సవాలు చేసుకున్నారు. పచ్చనేతల అధర్మ పోరాటం అప్పటి నుంచి కొనసాగుతునే ఉంది.’’ అని విజయసాయిరెడ్డి సంచలన వ్యాఖ్యలు చేశారు.