దేశీ దిగ్గజ టెలికం కంపెనీల్లో ఒకటైన భారతీ ఎయిర్టెల్ కీలక నిర్ణయం తీసుకుంది. భారీ నిధుల సమీకరణకు పచ్చజెండా ఊపింది. ఎయిర్టెల్ బోర్డు ఆఫ్ డైరెక్టర్లు ఇందుకు ఆమోదం కూడా తెలిపారు. దీంతో ఎయిర్టెల్ తన ప్రత్యర్థి రిలయన్స్ జియోకి మరింత పోటీ ఇవ్వనుంది. ఎయిర్టెల్ రూ.21 వేల కోట్ల నిధులు సమీకరించనుంది. ఈక్విటీ షేర్ల జారీ రూపంలో ఈ డబ్బులు సమీకరిస్తుంది. ఈ షేర్ల ముఖ విలువ రూ.5. కంపెనీ బోర్డు రైట్ ఇష్యూ‌కు అంగీకారం తెలిపింది. రైట్ ఇష్యూ ధర రూ.535గా నిర్ణయించారు. క్రమక్రమంగా ఈ నిధుల సమీకరణ ఉంటుందని కంపెనీ వెల్లడించింది. Also Read: ఎయిర్టెల్ ఇంకా ప్రత్యేకమైన డైరెక్టర్స్ ఆఫ్ కమిటీని కూడా ఏర్పాటు చేసింది. ఇది రైట్ ఇష్యూ ప్రక్రియ సజావుగా సాగేలా చూస్తుంది. అంటే ఇష్యూ పీరియడ్, రికార్డ్ డేట్ వంటి ఇతరత్రా పనులు చూసుకుంటుంది. ఎయిర్టెల్, వొడాఫోన్ ఐడియా సంస్థలు ఆర్థిక సవాళ్లను ఎదుర్కొంటున్న విషయం తెలిసిందే. ఇలాంటి పరిస్థితుల్లో ఎయిర్టెల్ నిధుల సమీకరణకు ముందుకు రావడం గమనార్హం. ఇకపోతే వీఐ నుంచి చాలా మంది సబ్‌స్క్రైబర్లు ఎయిర్‌టెల్‌కు వచ్చే ఛాన్స్ ఉందని కంపెనీ భావిస్తోందని నిపుణులు చెబుతున్నారు. ఇంకా జియోకు గట్టి పోటీ ఇవ్వాలని కంపెనీ భావిస్తోంది. అందుకే సామర్థ్యాన్ని మరింత పెంచుకోవడానికి ఎయిర్టెల్ ఈ నిర్ణయం తీసుకుందని నిపుణులు పేర్కొంటున్నారు.
0 Comments