సామాన్యులకు భారీ ఊరట.. మరింత దిగిరానున్న వంట నూనె ధరలు.. కేంద్రం కీలక నిర్ణయం!

కేంద్ర ప్రభుత్వం సామాన్యులకు ఊరట కలిగించే ప్రకటన చేసింది. కీలక నిర్ణయం తీసుకుంది. క్రూడ్ పామ్ ఆయిల్‌ పైన బేసిక్ కస్టమ్స్ డ్యూటీలో కోత విధించింది. 10 శాతానికి తగ్గించింది. దీంతో రిటైల్ మార్కెట్‌లో వంట నూనె ధరలు తగ్గే అవకాశముంది. సెంట్రల్ బోర్డు ఆఫ్ ఇన్‌డైరెక్ట్ ట్యాక్సెస్ అండ్ కస్టమ్స్ CBIC ఈ మేరకు ఒక నోటిఫికేషన్ జారీ చేసింది. మోదీ సర్కార్ తాజా నిర్ణయంతో క్రూడ్ పామ్ ఆయిల్‌పై బేసిక్ కస్టమ్స్ డ్యూటీ 10 శాతానికి తగ్గింది. అలాగే రిఫైన్డ్ పామ్ ఆయిల్‌పై బేసిక్ కస్టమ్స్ డ్యూటీ 37.5 శాతానికి దిగొచ్చింది. Also Read: Also Read: బేసిక్ కస్టమ్స్ డ్యూటీ తగ్గింపు నిర్ణయం బుధవారం నుంచి అంటే ఈరోజు నుంచే అమలులోకి వచ్చిందని కేంద్ర ప్రభుత్వం తెలిపింది. ఇదివరకు క్రూడ్ పామ్ ఆయిల్‌పై బేసిక్ కస్టమ్స్ డ్యూటీ 15 శాతంగా ఉండేది. ఇతర పామ్ ఆయిల్ కేటగిరిపై ఇది 45 శాతంగా కొనసాగేది. ‘సామాన్యులకు ఊరట కలిగించేందుకు కేంద్ర ప్రభుత్వం క్రూడ్ పామ్ ఆయిల్‌ పైన కస్టమ్స్ డ్యూటీని 35.75 శాతం నుంచి 30.25 శాతానికి తగ్గింది. అలాగే రిఫైన్డ్ పామ్ ఆయిల్‌ పైన 49.5 శాతం నుంచి 41.25 శాతానికి తగ్గించింది. దీంతో వంట నూనె ధరలు దిగిరానున్నాయి’ అని సీబీఐసీ తెలిపింది.