అన్నాచెల్లెళ్ల మధ్య చిగురించిన ప్రేమ... అడ్డుచెప్పిన పెద్దలు, చివరికి

కృష్ణా జిల్లా మోపిదేవి మండలం వెంకటాపురంలో ఆదివారం చేసుకున్న ఘటనలో షాకింగ్ విషయాలు వెలుగులోకి వచ్చాయి. పెద్దలు తమ ప్రేమను ఒప్పుకోలేదన్న కారణంతోనే వారిద్దరు ఆత్మహత్య చేసుకున్నట్లు అనుకున్నా.. దాని వెనుక అసలు కారణం వేరే ఉందని తాజాగా వెల్లడైంది. చల్లపల్లి ఎస్‌ఐ నాగరాజు కథనం ప్రకారం.. మోపిదేవి మండల పరిధిలోని వెంకటాపురానికి చెందిన పేరుబోయిన సాయికుమార్‌(20) గ్రామ వాలంటీర్‌గా పనిచేస్తున్నాడు. అదే గ్రామానికి చెందిన పేరుబోయిన వెంకటస్వామి కుమార్తె(15)కొంతకాలంగా ప్రేమిస్తున్నాడు. వీరి ప్రేమ వ్యవహారం తెలుసుకున్న తెలుసుకున్న కుటుంబసభ్యులు.. వరుసకు అన్నాచెల్లెళ్ల మధ్య ప్రేమ ఏంటని మందలించారు. ఈ నేపథ్యంలోనే ఈ ప్రేమజంట శనివారం రాత్రి ఇంటి నుంచి పారిపోయింది. దీంతో కంగారు పడిన రెండు కుటుంబాల వారు చుట్టుపక్కల ప్రాంతాల్లో గాలించగా ఆదివారం మధ్యాహ్నం గ్రామ శివారులోని పంట పొలాల వద్ద చెట్టుకు వేలాడుతూ కనిపించారు. చల్లపల్లి సీఐ వెంకటనారాయణ, ఎస్‌ఐ నాగరాజు సంఘటనా స్థలాన్ని పరిశీలించారు. మృతదేహాలను పోస్టుమార్టం నిమిత్తం అవనిగడ్డ ప్రభుత్వాసుపత్రికి పంపారు. మృతుల తల్లిదండ్రులు ఇచ్చిన ఫిర్యాదు మేరకు కేసు నమోదు చేసినట్లు పోలీసులు తెలిపారు.