తెలంగాణలో లాక్ డౌన్ వద్దు.. ఓవైసీ సంచలన వ్యాఖ్యలు

తెలంగాణలో లాక్ డౌన్‌పై ఇవాళ కేబినెట్ కీలక నిర్ణయం తీసుకోనుంది. లాక్ డౌన్ పొడిగించాలా ? లేక సడలింపులు చేయాల? అన్న దానిపై సీఎం కేసీఆర్ అధ్యక్షతన మంత్రిమండలి సమావేశమై చర్చించనుంది. ఈ నేపథ్యంలో ఎంఐఎం రాష్ట్రంలో లాక్ డౌన్ విధింపుపై కీలక వ్యాఖ్యలు చేశారు. కరోనాను ఎదుర్కోవడానికి లాక్ డౌన్ ఒక్కటే మార్గం కాదన్నారు. లాక్ డౌన్‌తో అనేక మంది పేదలు ఇబ్బందులు పడుతున్నారన్నారు. కరోనాతో ఉదయం 6 నుంచి 10 గంటల వరకు మాత్రమే మినహాయింపు ఇస్తున్నారు. దీంతో కేవలం నాలుగు గంటలు మాత్రమే మినహాయింపు ఇస్తే నిరు పేదలు ఎలా బతుకుతారని ఓవైసీ ప్రశ్నించారు. లాక్ డౌన్ విధించకుండా కరోనాపై పోరాడ వచ్చన్నారు. కరోనాపై పై ప్రజల్లో పూర్తి అవగాహన కల్పించాలన్నారు. మాస్క్ వాడకం, సామాజిక దూరం పాటించడంపై, మహమ్మారి దీర్ఘాకాలిక వాస్తవికతపై ప్రజలకు అవగాహన కల్పించాలన్నారు. యూనివర్శిల్ వ్యాక్సిన్ మాత్రమే దీనికి దీర్ఘకాలిక పరిష్కారమన్నారు. ఇప్పుడు రాష్ట్రంలో కేసులు తగ్గడం వల్ల లాక్ డౌన్ విధించాల్సిన పనిలేదన్నారు. కేవలం కోవిడ్ క్లస్టర్స్‌లో మాత్రమే మినీ లాక్ డౌన్ పెట్టాలన్నారు ఓవైసీ. ఈ మేరకు ఆయన తెలంగాణ సీఎంఓకు ట్వీట్ ద్వారా సూచించారు. మరోవైపు తెలంగాణలో కరోనా కేసులు రోజు రోజుకు తగ్గుతున్నాయి. తాజాగా ప్రభుత్వం కరోనా బులెటిన్ ను రిలీజ్ చేసింది. ఈ బులెటిన్ ప్రకారం రాష్ట్రంలో కొత్తగా 2,982 కరోనా కేసులు నమోదయ్యాయి. దీంతో రాష్ట్రంలో ఇప్పటి వరకు నమోదైన మొత్తం కరోనా కేసుల సంఖ్య 5,74,026 కి చేరింది. ఇందులో 5,33,862 మంది కోలుకొని డిశ్చార్జ్ అయ్యారు. రాష్ట్రంలో ప్రస్తుతం 36,917 కేసులు యాక్టివ్ గా ఉన్నాయి.