ప్రయాణికులకు అలర్ట్... ఏపీ-తెలంగాణ మధ్య ఈ రైళ్లు రద్దు

కరోనా వైరస్ రైల్వే శాఖపైనా తీవ్ర ప్రభావం చూపుతోంది. లాక్‌డౌన్, కర్ఫ్యూల ప్రభావంతో ప్రజలు ప్రయాణాలు వాయిదా వేసుకుంటుండటంతో చాలా రైళ్లు ఖాళీగా కనిపిస్తున్నాయి. దీంతో రైళ్లలో ఆక్యుపెన్సీ భారీగా తగ్గిపోతోంది. ఈ కారణంగా ఇప్పటికే వందల సంఖ్యలో సర్వీసులను రైల్వే శాఖ నిలిపివేసింది. ఈ క్రమంలో తెలుగు రాష్ట్రాల మధ్య ప్రయాణించే అనేక రైళ్లను రద్దు చేసింది. ఆంధ్రప్రదేశ్-తెలంగాణ మధ్య ప్రయాణించే మరో 27 రైళ్లను రద్దు చేస్తున్నట్లు దక్షిణ మధ్య రైల్వే ఆదివారం ప్రకటించింది. ఏపీ, మధ్య రాకపోకలు సాగించే పలు రైళ్లతో పాటు తమిళనాడు, మహారాష్ట్రకు వెళ్లే రైళ్లను కూడా రద్దు చేసింది. ఈ మేరకు ద.మ.రైల్వే పరిధిలో రద్దు చేసిన రైళ్ల జాబితాను అధికారులు ప్రకటించారు.