మళ్లీ పోలీసుల అదుపులో ఆనందయ్య.. రహస్య ప్రాంతానికి తరలింపు

కరోనాకు వైరస్ అంతానికి మందును పంపిణీ చేసిన ఆనందయ్యను పోలీసులు మళ్లీ రహస్య ప్రాంతానికి తరలించారు. శుక్రవారం ఆనందయ్యను ఇంటి వద్ద దించిన పోలీసులు శనివారం తెల్లవారుజామున ప్రత్యేక బందోబస్తుతో ఆయన్ని రహస్య ప్రాంతానికి తరలించారు. అయితే ఔషధం కోసం ఇతర ప్రాంతాల నుంచి కృష్ణపట్నం తరలివస్తున్న ప్రజలను పోలీసులు అడ్డుకుంటున్నారు. ఆ గ్రామస్తులకు చెందిన వాహనాలను తప్ప బయటి వ్యక్తుల వాహనాలను అనుమతించడం లేదు. ఈ నెల 21 నుంచి ఆనందయ్య మందు పంపిణీని ప్రభుత్వం నిలిపివేసిన సంగతి తెలిసిందే. ఔషధంపై సోమవారం నివేదిక వచ్చే వరకు ఆనందయ్యను రహస్య ప్రాంతంలోనే ఉంచనున్నట్టు సమాచారం. తాజా పరిణామాలతో కృష్ణపట్నంలో 144 సెక్షన్‌ అమలు చేస్తున్నారు. మరోవైపు కరోనా మందు ఫార్మలా చెప్పాలని కొందరు అధికారులు తనను వేధిస్తున్నారంటూ ఆనందయ్య హైకోర్టును ఆశ్రయించారు.