Covid-19 Vaccine: ఏపీలో అందరి కంటే ముందుగా ఈమెకే వ్యాక్సినేషన్ first corona vaccine in andhrapradesh ap updates

-APUPDATES

Covid-19 Vaccine: ఏపీలో అందరి కంటే ముందుగా ఈమెకే వ్యాక్సినేషన్

దేశవ్యాప్తంగా కరోనా వ్యాక్సినేషన్ ప్రక్రియ ప్రారంభమైంది. ఏపీలో తొలిసారిగా బి పుష్పకుమారి అనే స్వీపర్‌కు వ్యాక్సిన్ ఇవ్వబోతున్నారు.

కరోనా మహమ్మారిని తరిమి కొట్టడం కోసం ప్రపంచంలోనే అతిపెద్ద వ్యాక్సినేషన్ కార్యక్రమాన్ని భారత్ ప్రారంభించింది. నేడు (జనవరి 16న) తొలి విడతలో భాగంగా.. దేశవ్యాప్తంగా హెల్త్ కేర్ వర్కర్లు, ఫ్రంట్ వారియర్లకు కోవిడ్ వ్యాక్సిన్ ఇస్తున్నారు. ఏపీలో శనివారం నుంచి రాష్ట్రవ్యాప్తంగా 3.87 లక్షల మందికిపైగా కోవిడ్ వ్యాక్సినేషన్ అందించనున్నారు. రాష్ట్రంలోని 1940 ఆరోగ్య కేంద్రాల్లో వ్యాక్సినేషన్ ప్రక్రియ కొనసాగుతుంది.

ఏపీలో తొలి కరోనా వ్యాక్సిన్ వేయించుకునే వ్యక్తిగా వైద్య ఆరోగ్య శాఖలో స్వీపర్‌గా పని చేసే బి.పుష్పకుమారి రికార్డ్ క్రియేట్ చేశారు. రెండవ వ్యాక్సిన్‌ను విజయవాడ జీజీహెచ్‌లోని సూపర్ స్పెషాలిటీ బ్లాక్‌లో అవుట్ సోర్సింగ్ ఉద్యోగిగా పని చేస్తున్న సీహెచ్.నాగజ్యోతికి వేస్తారు. మూడో వ్యాక్సిన్‌ను విజయవాడ జీజీహెచ్‌లో ఆర్థోపెడిక్ విభాగంలో ఆపరేషన్ థియేటర్ అసిస్టెంట్‌గా పని చేసే పి.జయకుమార్ మూడో వ్యాక్సిన్ వేయించుకుంటారు.

ఇదే హాస్పిటల్‌లో స్టాఫ్ నర్సుగా పని చేసే కె.మరియమ్మకు నాలుగో వ్యాక్సిన్ వేస్తారు. విజయవాడ జీజీహెచ్‌ కోవిడ్-19 డ్యూటీలో ఉన్న మెడికల్ ఆఫీసర్.. డాక్టర్ ఎల్.ప్రణీతకు ఐదో వ్యాక్సిన్ ఇస్తారు. ఈమె కోవిడ్ నుంచి కోలుకున్నారు. ఈ ఐదుగురికి సీఎం జగన్ సమక్షంలో వ్యాక్సిన్ వేయిస్తారు.