బిగ్ అలర్ట్: ఏపీలో వర్షాల బీభత్సం.. ఈ 2 జిల్లాల్లో పాఠశాలలకు సెలవు!

వరుస భారీ వర్షాలు ఆంధ్రప్రదేశ్‌ ప్రజలను అతలాకుతలం చేస్తున్నాయి. ముఖ్యంగా రాయలసీమలో వరదలు పోటెత్తుతున్నాయి. దీంతో అధికారులు ముమ్మరంగా సహాయక చర్యలు చేపడుతున్నారు. భారీ వర్షాల నేపథ్యంలో , జిల్లాల్లో పాఠశాలలకు అధికారులు సోమవారం (నవంబర్ 29) సెలవు ప్రకటించారు. ఈ జిల్లాల్లో ఇప్పటికే భారీ వర్షాలు కురుస్తుండగా.. రాబోయే రెండు రోజుల్లో అవి తీవ్రరూపం దాల్చే అవకాశం ఉందని వాతావరణశాఖ హెచ్చరించింది. ఈ నేపథ్యంలో అధికారులు కీలక నిర్ణయం తీసుకున్నారు. సోమవారం పాఠశాలలకు సెలవు ప్రకటించారు. మరోవైపు భారీ వర్షాల కారణంగా ఇప్పటికే రాయలసీమ జిల్లాల్లో రైతులు తీవ్రంగా నష్టపోయారు. ఇప్పటికీ అనేక గ్రామాలు వరద ముంపులోనే మగ్గిపోతున్నాయి. వర్షాల ధాటికి ఇళ్లులు కుంగిపోతున్న పరిస్థితులు కూడా నెలకొన్నాయి. దీని నుంచి బయటపడక ముందే.. బంగాళాఖాతంలో మరో అల్పపీడనం ఏర్పడిందని ఐఎండీ ప్రకటించింది. ప్రజలు అప్రమత్తంగా ఉండాలంటూ వాతావరణశాఖ జారీ చేసిన తాజా హెచ్చరికలు ప్రజలకు మరింత ఆందోళనను కలిగిస్తున్నాయి. ముఖ్యంగా ప్రకాశం, నెల్లూరు, కడప, చిత్తూరు జిల్లాలకు వాతావరణ శాఖ ఆరెంజ్ అలర్ట్ ప్రకటించింది. రానున్న 24 గంటల్లో ఈ జిల్లాల్లో భారీ నుంచి అతి భారీ వర్షాలు కురిసే అవకాశం ఉందని తెలిపింది. కాబట్టి ప్రజలు అప్రమత్తంగా ఉండాలని సూచించింది.