Ad Code

For Advertisement contact AP UPDATES 7386670681

పెళ్లి చేసుకోబోతున్న షూటర్ గగన్ నారంగ్.. వధువు ఎవరంటే..?

రైఫిల్ షూటర్ త్వరలోనే పెళ్లి చేసుకోబోతున్నాడు. లండన్ ఒలింపిక్స్‌లో కాంస్య పతకం గెలిచిన గగన్ నారంగ్.. 2010లో కామన్వెల్త్ గేమ్స్‌లో రెండు గోల్డ్ మెడల్స్‌ సాధించిన షూటర్ అన్నురాజ్ సింగ్‌ని అతను వివాహం చేసుకోబోతున్నాడు. గత రెండు దశాబ్దాలుగా తమకి పరిచయం ఉందని చెప్పుకొచ్చిన గగన్ నారంగ్.. పెద్దల అంగీకారంతో ఒక్కటవబోతున్నట్లు వెల్లడించాడు. హైదరాబాద్‌కి చెందిన గగన్ నారంగ్.. ఉత్తర్‌ప్రదేశ్‌కి చెందిన అన్నురాజ్ సింగ్.. గత 20 ఏళ్లుగా ఇంటర్నేషనల్ టోర్నీల్లో కలిసి పోటీపడుతున్నారు. అన్ను అంటే తన తల్లికి చాలా ఇష్టమని చెప్పుకొచ్చిన గగన్ నారంగ్.. అన్ను తల్లిదండ్రులు కూడా తనని ఒప్పుకున్నారని స్పష్టం చేశాడు. దాంతో.. ఈ నెల 21న హైదరాబాద్‌లోని ఓ విలాసంతమైన హోటల్‌లో వివాహం చేసుకుంటున్నట్లు గగన్ నారంగ్ వెల్లడించాడు. ‘‘2002 నుంచి మేము ఇద్దరం టీమ్‌లో మెంబర్స్‌గా ఉన్నాం. వివిధ టోర్నీల్లో పోటీపడుతూ.. మంచి ఫ్రెండ్స్‌గా మారాం. ఈ జర్నీలో ఒకరినొకరు సపోర్ట్ చేసుకుంటూ.. మధ్యలో పెళ్లి చేసుకుందామని నిర్ణయించుకున్నాం’’ అని అన్ను తెలిపింది. ఈ ఇద్దరి వయసు 37 ఏళ్లు కావడం విశేషం.

Post a Comment

0 Comments

Close Menu