ఉప ఎన్నిక పోలింగ్ ముగిసిన వెంటనే మాజీ మంత్రి, అభ్యర్థి సంచలన వ్యాఖ్యలు చేశారు. కేసీఆర్ డబ్బులు పంచి.. అస్యత వాగ్దాలు చేసి హుజూరాబాద్‌లో గెలవాలని ప్రయత్నించారని.. కానీ హుజూరాబాద్ ప్రజలు తిప్పికొట్టారని ఈటల అన్నారు. హుజూరాబాద్ ప్రజలు చరిత్ర తిరగరాశారని భావిస్తున్నానని భావోద్వేగంతో చెప్పారు. కేసీఆర్ కుట్రలు హుజూరాబాద్ ప్రజలు అర్థం చేసుకున్నారని అన్నారు. ఉప ఎన్నిక కోసం కేసీఆర్ భారీగా డబ్బులు ఖర్చు పెట్టారని.. సుమారు రూ.400 కోట్లు నుంచి రూ.500 కోట్లు ఖర్చు చేశారని ఈటల చెప్పారు. అయినా హుజూరాబాద్ ప్రజలు ధర్మాన్ని కాపాడుకోవాలని భావించారని అన్నారు. వందలాది మంది పోలీసులను తమకు అనుకూలంగా ఉపయోగించుకున్నారని.. ఆఖరికి డ్రైవర్లు, పీఏలను కూడా కోవర్టులుగా వాడుకుని నీచ రాజకీయాలు చేశారని ఆగ్రహం వ్యక్తం చేశారు. హుజూరాబాద్ పరిస్థితిని అప్రకటిత ఎమర్జెన్సీగా ఈటల అభివర్ణించారు. అప్రకటిత ఎమర్జెన్సీపై ఓటుతో తమ అభిప్రాయాన్ని చెప్పారని ఆయన అన్నారు. హుజూరాబాద్‌లో కాషాయ జెండా ఎగరడం ఖాయమని ఆయన ధీమా వ్యక్తం చేశారు. Also Read:
0 Comments